U dom Ksienii Sabčak pryjšli siłaviki. Jana vyjechała praź Biełaruś u Litvu
Televiadučaja Ksienija Sabčak ciapier nie ŭ Rasii. «Jana praź Biełaruś źjechała ŭ Litvu», — skazaŭ surazmoŭca ahienctva RIA «Naviny», nie ŭdakładniŭšy, z čym źviazanaja pajezdka.
Siońnia ranicaj śledčyja pryjšli ź pieratrusam u zaharadny dom Ksienii Sabčak u Maskoŭskaj vobłaści.
Pieratrus praviali ŭ domie žurnalistki ŭ katedžnym pasiołku «Horki-8». Paviedamlajecca, što śledčyja dziejańni źviazanyja z kryminalnaj spravaj ab vymahalnictvie, u ramkach jakoj 25 kastryčnika zatrymali 32-hadovaha Kiryła Suchanava, kamiercyjnaha dyrektara miedyjachołdynha Sabčak «Ostorožno, Media».
«U samoj Sabčak nijakaha pracesualnaha statusu niama», — skazała krynica.
Kamiercyjny dyrektar staŭ fihurantam vialikaj spravy ab vymahalnictvie hrošaj u čynoŭnikaŭ i biznesmienaŭ praz telehram-kanały.
U kastryčniku MUS Rasii paviedamiła, što zatrymała troch administrataraŭ telehram-kanałaŭ, jakija, pavodle viersii śledstva, publikavali zakaznyja fejki pra čynoŭnikaŭ i biznesoŭcaŭ, a zatym vymahali hrošy za ich vydaleńnie. U žniŭni taksama zatrymali šaściarych administrataraŭ telehram-kanałaŭ, jakija padazrajucca ŭ vymahalnictvie.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»31
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary