Polski fiermier znoŭ pryjazdžaŭ u Hrodna jak «kiraŭnik delehacyi Padlašskaha vajavodstva». Choć pradstaŭlaje tolki siabie samoha
Polskija ŚMI apublikavali detali novaha vizitu ŭ Hrodna padlašskaha fiermiera Kšyštafa Tałvinskaha. Ź im sustrakałasia načalstva Hrodzienskaj vobłaści, a miascovy dziaržaŭny telekanał nazvaŭ «kiraŭnikom delehacyi Padlašskaha vajavodstva», piša Radyjo Svaboda.
Tałvinski maje na Padlaššy ŭłasnuju fiermu, zajmajecca vytvorčaściu małaka. U siaredzinie 2000-ch jon byŭ vice-maršałkam Padlašskaha vajavodstva. Paśla hetaha źmianiŭ niekalki partyj i biespaśpiachova bałatavaŭsia ŭ Siejm. Apošnija niekalki hadoŭ jon byŭ źviazany z nacyjanalistyčnaj i antyjeŭrapiejskaj kaalicyjaj Konfederacja. U krasaviku Tałvinski abviaściŭ, što stvaraje ŭłasnuju partyju Front. Na staroncy jahonaj partyi ŭ fejsbuku mienš za 150 padpisčykaŭ, jana ŭ pracesie rehistracyi.
U Horadni Tałvinskaha prymaŭ namieśnik staršyni abłvykankama Vital Niaviera. Jany razmaŭlali, miž inšym, nakont enierhietyčnaj biaśpieki, u tym liku ab pracy atamnaj elektrastancyi ŭ Astraŭcy. Hrodzienski dziaržaŭny telekanał pakazaŭ siužet pra vizit Tałvinskaha, nazvaŭšy jaho «kiraŭnikom delehacyi Padlašskaha vajavodstva». Ale chto aprača jaho byŭ u delehacyi — nie paviedamlałasia. Pavodle aŭtaraŭ siužetu, u Hrodnie Tałvinski razmaŭlaŭ z uładami pra «charčovuju biaśpieku».
Napiaredadni vizitu ŭ Biełaruś Kšyštaf Tałvinski napisaŭ na adnym z sajtaŭ, što ŭ jaho delehacyju ŭvachodzić try asoby, «ale my — hołas miljonaŭ palakaŭ». Padčas vizitu ŭ Hrodzienskuju vobłaść Tałvinski zajaviŭ, što Biełaruś «źjaŭlajecca adnoj z najlepš kiravanych krain», a Łukašenka — «dziaržaŭny dziejač, sapraŭdny palityk».
Tałvinski naviedvaŭ Biełaruś u žniŭni. Tady padčas vizitu ŭ Vaŭkavyski rajon jon nazyvaŭ siabie pradstaŭnikom delehacyi «ad imia padlašskaha samakiravańnia». Razam z Tałvinskim Biełaruś tady naviedaŭ Arvid Plivačeŭski z prakramloŭskaha farmavańnia «Zadrużny Krąg — Słavianski adździeł» i prakramloŭskaj hramadska-palityčnaj arhanizacyi Rusov Polska, jakaja ŭvachodzić u mižnarodnuju strukturu Rusov, «nakiravanaj na abjadnańnie słavianskich ziemlaŭ». Siadziba hetaj arhanizacyi znachodzicca ŭ Sievastopali.
Adnak paśla hetaha vizitu maršałak Padlašša Artur Kasicki admaŭlaŭ, što delehacyja na čale z Tałvinskim pradstaŭlała samakiravańnie vajavodstva. Jon zajaviŭ, što takija sustrečy z pradstaŭnikami ŭładaŭ Respubliki Biełaruś «škodziać imidžu Padlašskaha vajavodstva i, šyrej, polskim intaresam», prainfarmavaŭšy pra hety «šakujučy vypadak» MZS.
Represii razhaniajucca ci zapavolvajucca? Davajcie ličyć9
Represii razhaniajucca ci zapavolvajucca? Davajcie ličyć
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1010
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach10
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Kamientary