Kavaleŭski: My budziem dabivacca adpaviednaha pravavoha statusu dla biełarusaŭ, pazbaŭlenych režymam hramadzianstva
Namieśnik kiraŭnika Abjadnanaha pierachodnaha kabinieta Valer Kavaleŭski prakamientavaŭ pryniaćcie łukašenkaŭskim parłamientam papravak u zakon, jakija dazvalajuć režymu pazbaŭlać biełarusaŭ hramadzianstva pa palityčnych matyvach.
«Pazbaŭleńnie hramadzianstva, jakoje naležyć kožnamu čałavieku pa pravie naradžeńnia, — cyničnaje biezzakońnie, jakoje supiarečyć Kanstytucyi i mižnarodnym abaviazacielstvam Biełarusi.
Heta šok dla biełarusaŭ i ŭsiaho cyvilizavanaha śvietu», — adznačyŭ Kavaleŭski. I pravioŭ kankretnyja histaryčnyja paraleli:
«Dastatkova pryhadać, što ludziej pazbaŭlali hramadzianstva, dadzienaha pa pravie naradžeńnia, u nacysckaj Hiermanii. I hetaje padabienstva šmat pra što kaža, u tym liku pra toje, jakim moža i pavinny być finał pradstaŭnikoŭ hetaha režymu».
Paśla taho, jak hety zakon pačnie realizoŭvacca, pavodle Kavaleŭskaha:
«Adnoj z hałoŭnych zadač našaj mižnarodnaj dziejnaści źjaŭlajecca zdabyćcio mahčymaściaŭ dla biełarusaŭ mieć adpaviedny pravavy status, paćvierdžany dakumientam adpaviednaha ŭzoru, niezaležna ad varjackich dziejańniaŭ režymu.
My budziem damahacca niepryznańnia takich rašeńniaŭ nielehitymnaj ułady i vyrašeńnia praktyčnych aśpiektaŭ, ź jakimi mohuć sutyknucca biełaruskija hramadzianie za miažoj».
Čytajcie taksama:
Pazbaŭlać hramadzianstva za ekstremisckuju dziejnaść. Deputaty pryniali ŭ dvuch čytańniach zakonaprajekt ab hramadzianstvie
Ciapier čytajuć
Čaćviortuju liniju minskaha mietro paviaduć u Dražniu. A «Ślapianka» i «Daŭhabrodskaja» źmianili svajo miesca5
Kamientary