Da 2021 hoda dacentka kafiedry mižnarodnych adnosin BDU, a ciapier zaprošanaja prafiesarka Hisienskaha ŭniviersiteta (Hiermanija) Roza Turarbiekava pa prośbie siabroŭ i kaleh padzialiłasia na svajoj staroncy ŭ fejsbuku receptam ujhurskaha płovu. «Mianie zaŭsiody dziviła luboŭ biełarusaŭ da płovu. Heta nie značyć, što biełaruskaja kuchnia nie pryvabnaja. Heta značyć, što biełarusy — narod adkryty i lubić usio novaje», — adznačaje vykładčyca.
Pa słovach spadaryni Rozy, jana naohuł nie sustrakała ludziej, jakija nie lubiać płoŭ. «Chiba tolki moj syn, jaki vielmi prydzirlivy, bo ja jaho karmiła im zanadta časta».
Recept dastaŭsia Rozie Turarbiekavaj ad mamy, jakuju navučyli ujhury. Maci niejki čas pracavała nastaŭnicaj u rajonie kazachska-kitajskaj miažy. U hetaj častcy Kazachstana kampaktna žyvie ujhurskaje (džunharskaje) nasielnictva.
Recept
Dla dobraha płovu vam spatrebicca 500 h tłustaha miasa, pažadana baranina. Ale ja hatuju taksama i ź jałavičynaj (tolki tłustaj), i z kurycaj. A biełarusy lubiać u płovie i śvininu.
Vialikaja cybulina, dźvie-try morkvy. Alej słaniečnikavy. Sol. Možna adnu hałoŭku časnaku. Rys — 200 h.
1 etap
Miasa narezać siarednimi kavałačkami. Łuk — kołcami ci paŭkołcami. Morkvu VYKLUČNA sałomkaj. Navat harodninu treba narezać peŭnym čynam, kab smak i stan da kanca hatavańnia byli adpaviednyja.
2 etap
U nahretuju žaroŭniu abo kazan składajecie miasa i čakajecie, pakul usia vada ź jaho vykipić. Rabić heta na dastatkova mocnym ahni. Jak tolki vadkaść vykipić, dadać krychu słaniečnikavaha aleju (1-1,5 stałovyja łyžki) i adrazu pakłaści morkvu. Pamiašać. Na mocnym ahni i pry zakrytym viečku tušyć ź miasam, pakul jano nie pamiakčeje (praces zojmie paru chvilin). Zatym pakłaści cybulu i taksama tušyć, pakul jana nie stanie prazrystaj. Zalić usio kipieniem tak, kab usio było patoplena ŭ vadzie na palec taŭščynioj. Kali ŭsio zakipić, pasalić (dadać krychu mienš stałovaj łyžki soli). Źnizić ahoń da siaredniaha. Miasa ŭ cełym pavinna tušycca 1,5 hadziny.
3 etap
Za 1 hadzinu da kanca hatavańnia miasa zaparyć rys. Pry vybary rysu vielmi važna hladzieć na jaho jakaść. Nie varta brać hatunak jaźmin i praparany rys. Lepš praparyć samoj. Ja biaru jak basmaci, tak i i kruhły rys. Heta nie tak važna.
200 hram rysu zalić kipieniem, utapić na palec taŭščynioj. Nakryć viečkam i pakinuć na 20 chvilin.
4 etap
Pierad tym, jak pakłaści rys, uklučyć ahoń macniej. Dadać krychu vady, kab jaje kolkaść pastajanna zachoŭvałasia. Z zaparanaha rysu źlić vadu staranna. Adrazu dadać jaho ŭ kipiačuju žaroŭniu. Razraŭnavać jaho tak, kab usio było na adnym uzroŭni, i pierakanacca, što vada krychu vyšej za hety ŭzrovień (na adzin palec). Vada pry hetym pavinna kipieć. Źnizić ahoń da minimumu. Pryadkryć ledź-ledź viečka, kab para vychodziła. Pakinuć tak na 40 chvilin.
5 etap
Viadoma, zaŭsiody jość ryzyka, što rys pryharyć. Ale ni ŭ jakim razie za ŭsie 40 chvilin nie miašajcie jaho. Rys naohuł miašać pry hatavańni nie rekamiendujecca. Jon pavinien prosta varycca ŭ stacyjanarnym stanoviščy. Kali ŭ vas uźnikli padazreńni, što rys pryharaje, to lepš dadać krychu kipieniu. Zusim krychu. I nie miašajcie ničoha!
Praz 40 chvilin pierakanajciesia, što ŭsia vada vykipieła. Vyklučycie ahoń i ciapier pieraviarnicie rys. Zakryjcie ščylna viečkam i pakińcie jašče na 5 chvilin. Časam za 10 chvilin da kanca hatavańnia ŭ siaredzinu ŭkručvajuć hałoŭku časnaku. Płoŭ možna padavać z kropam. Dobra spałučajucca smakavyja jakaści.
Usim udačy! Usich z Novym hodam! Chaj Vaš stoł (dastarchan) nikoli nie źbiadnieje!
-
Niamieckija navukoŭcy: piva bahataje na vitamin B6, u tym liku i biezałkaholnaje
-
U Biełarusi — bum na restarany nacyjanalnaj kuchni i jaje novaje pračytańnie
-
Pieršyja biełaruskija kłubnicy, sałodkija iranskija kavuny, «fłaryda bjuci» i navat pieršyja narcysy. Što možna kupić na Kamaroŭcy pierad vialikimi vychadnymi
Ciapier čytajuć
Ci patrebnaja biełaruskaja mova tym, chto razmaŭlaje pa-rusku? Azaronak zadaŭsia takim pytańniem na STB, a vypusknik Akademii MUS prapanavaŭ zamianić uroki fakultatyvami4444
Kamientary