Bloomberg: U rasijskich dziaržkampanij chočuć zabrać na vajnu 50% prybytku
Urad Rasii sprabuje atrymać bolš hrošaj ad dziaržkampanij, vuhlezdabytčykaŭ i vytvorcaŭ uhnajeńniaŭ, a taksama zrezać vydatki biudžetu, nie źviazanyja z abaronaj, paviedamiła ahienctva Bloomberg.
U suviazi z rostam vydatkaŭ na vajnu suprać Ukrainy rasijskija ŭłady vyrašyli atrymać ad kampanij, jakija vyrablajuć uhnajeńni i zdabyvajuć vuhal, «adnarazovuju vypłatu», a taksama skaracić vydatki, nie źviazanyja z abaronaj, paviedamiła ŭ piatnicu, 6 studzienia, ahienctva Bloomberg. Pavodle jaho źviestak, pra heta havorycca ŭ dakumiencie, padrychtavanym u siaredzinie śniežnia premjer-ministram RF Michaiłam Mišuścinym. Aficyjna pra jaho ničoha nieviadoma.
Jak śćviardžajuć krynicy ahienctva, ułady RF majuć namier ustalavać dla dziaržkampanij dyvidendy ŭ pamiery 50% ad čystaha prybytku, pryčym hetaja miera pavinna być adnarazovaj, a nie pastajannaj. Pa słovach krynic, rašeńnie ab pamiery dyvidendaŭ i zbory z kampanij va ŭradzie jašče nie pryniata, jano budzie zaležać ad taho, jaki deficyt biudžetu budzie pa vynikach 2022 hoda. Akramia taho, u dakumiencie nibyta havorycca pra skaračeńnie biudžetnych vydatkaŭ, nie źviazanych z abaronaj i biaśpiekaj. U pryvatnaści, buduć źmienšanyja vydatki na sacyjalnuju śfieru — adukacyju i miedycynu.
Atrymanyja srodki płanujecca vykarystoŭvać na pakryćcio vydatkaŭ, źviazanych z vajnoj.
Taksama, pa danych ahienctva, u dakumiencie havorycca pra vydzialeńnie dadatkovych 175 miljardaŭ rubloŭ na prymusovaje pierasialeńnie 100 tysiač čałaviek z Chiersonskaj vobłaści ŭ Rasiju.
Jak adznačaje Bloomberg, heta jość vidavočnym pryznańniem taho, što ŭ Kramla mała nadziej na viartańnie častki Chiersonskaj vobłaści, jakuju rasijskija vojski pakinuli vosieńniu praź niekalki tydniaŭ paśla niezakonnaj anieksii.
Va ŭradzie RF i Ministerstvie finansaŭ na zapyt Bloomberg nie adkazali.
Ciapier čytajuć
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś5
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia77
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1212
Kamientary
Rośsija i rośsijanie nieispravimy, nie chotiat normalno žiť sami i druhim nie dajut!