Biełarus pabudavaŭ sa śniehu dzieviacimietrovy majak FOTA
Maładziečaniec Ivan Karpicki ŭžo nie raz ździŭlaŭ fantazijnymi śniežnymi i ledzianymi skulpturami. Hetym razam jon pakaryŭ dzieviacimietrovuju vyšyniu: zbudavaŭ majak, nad jakim pracavaŭ bolš za paŭmiesiaca, paviedamlaje kraj.by.
Jak raspavioŭ Ivan Karpicki, kab pabudavać śniežny majak, spatrebiłasia 17 dzion i 12 kuboŭ śniehu.
Majak — kopija viadomaha «majaka La Žuman», jaki byŭ pabudavany na skalnym vystupie. Z-za składanaści miescaznachodžańnia i niebiaśpiečnaha štarmavoha nadvorja budaŭnictva majaka viałosia siem hadoŭ i było zavieršana ŭ 1911 hodzie.
Samym składanym dla mianie było paśpieć da adlihi», — pryznajecca skulptar.
Majak upryhožany ledzianym płafonam, da jakoha praviedziena śviatło. Asabliva skulptura ŭražvaje svaim vyhladam nočču.
Zbudavańnie znachodzicca na terytoryi bazy adpačynku «Majak nadziei» ŭ Mahiloŭskaj vobłaści, u vioscy Sałtanaŭka.
Kamientary