Ukraina abviaściła ŭ vyšuk 43‑hadovaha hamielčuka Jaŭhiena Malinkoviča. Jamu vystavili abvinavačvańni pavodle niekalkich kryminalnych artykułaŭ, u tym liku za parušeńnie mižnarodnych pravił handlu tavarami padvojnaha pryznačeńnia i dapamohu krainie-ahresaru ŭ składzie hrupy pa papiaredniaj zmovie, paviedamiła «Radyjo Svaboda». Vydańnie «Fłahštok» sabrała, što pra hetaha čałavieka viadoma.
Čarnihaŭskaja abłasnaja prakuratura raniej apublikavała pozvu Malinkoviču, zarehistravanamu na vulicy Iryninskaj u Homieli. Jaho vyklikali ŭ śledčy adździeł abłasnoha ŭpraŭleńnia SBU ŭ jakaści padazravanaha.
Rasśledavańnie spravy pravodziłasia zavočna, a ciapier materyjały pieradali ŭ sud. Hamielčuku pryznačyli advakata. Abaronca vystupiŭ suprać zavočnaha aryštu, zajaviŭšy, što śledstva parušyła praceduru paviedamleńnia Malinkoviču pra vystaŭlenaje padazreńnie. Sud hetuju skarhu nie zadavoliŭ.
Pavodle infarmacyi śledstva, Malinkovič arhanizoŭvaŭ pastaŭki z Ukrainy praz Polšču ŭ Rasiju aptyčnaha škła dla razanskaha TAA «KOŁT», jakoje vykonvaje zakazy dla rasijskaj vajskovaj pramysłovaści. Pradukcyju ŭ Polšču pieravozili hramadzianie Ukrainy. Śledčyja zafiksavali niekalki takich pieravozak, ale ich ahulny abjom nie raskryvajecca.
Ukrainskija ŭdzielniki schiemy padčas rasśledavańnia nazyvali Malinkoviča «Ženiem z Homiela».
Havorka išła pra škło z markiroŭkaj «MS23», «BK-110» i «TK-114». Pavodle ekśpiertaŭ, takija vidy škła vykarystoŭvajucca ŭ Rasii pry vytvorčaści vajskovych pryboraŭ. Kali vinu hamielčuka dakažuć, jamu moža pahražać da 12 hadoŭ pazbaŭleńnia voli.
Malinkovič skončyŭ Homielski dziaržaŭny ŭniviersitet imia Francyska Skaryny. Z 2005 pa 2020 hod jon pracavaŭ na kandytarskaj fabrycy «Spartak», dzie prajšoŭ šlach ad tavaraznaŭca da mieniedžara.
U 2021 i jak minimum u 2022 hodzie Malinkovič pracavaŭ u homielskim TAA «Budenierhaservis-Plus», jakoje zajmajecca ahulnym budaŭnictvam i budaŭniča-mantažnymi rabotami.
Paśla hetaha źviestki pra jaho praktyčna źnikajuć. U internecie nie znajšłosia śviežych zhadak pra Malinkoviča, a ŭ sacyjalnych sietkach zachavalisia tolki jaho staryja staronki. Taksama była znojdziena, vierahodna, aktualnaja staronka z zakrytym profilem, jakaja viadziecca pad inšymi danymi.
U jakoj krainie ciapier znachodzicca Jaŭhien Malinkovič, nieviadoma.
Stralba pamiž HUR i SBU. Chto staŭ pryčynaj kanfliktu?
Dvoje biełarusaŭ, jakija mieli suviazi z rasijskaj vajskovaj pramysłovaściu, pryznali svaju vinu ŭ Litvie
Biełaruski dobraachvotnik Žerar raskazaŭ svaju viersiju spravy, jakuju zaviali na jaho va Ukrainie
Va Ukrainie rasśledujuć spravu złačynnaj arhanizacyi z udziełam deputataŭ i vysokapastaŭlenych asob administracyi prezidenta
Jašče adzin sud u Kijevie admoviŭsia razhladać spravu zatrymanaj pa padazreńni ŭ špijanažy žurnalistki Kardaš
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary