MAK moža dapuścić da spabornictvaŭ biełarusaŭ i rasijan, jakija suprać vajny
Mižnarodny alimpijski kamitet (MAK) zajaviŭ pra hatoŭnaść razhledzieć mahčymaść udziełu spartsmienaŭ z Rasii i Biełarusi ŭ mižnarodnych spabornictvach u niejtralnym statusie pry vykanańni imi «strohich umoŭ». Pra heta paviedamlajecca ŭ zajavie na sajcie MAK.
Miarkujecca, što spartsmieny, jakim mohuć dać mahčymaść vystupać, pavinny vykonvać Alimpijskuju chartyju, a mienavita: nie vystupać suprać miratvorčaj misii MAK, aktyŭna padtrymlivać vajnu va Ukrainie, a taksama nie parušać Suśvietny antydopinhavy kodeks i ŭsie adpaviednyja antydopinhavyja praviły i pałažeńni.
«Indyvidualnyja pravierki pavinny pravodzicca ŭ dačynieńni da ŭsich zajaŭlenych spartsmienaŭ», — adznačajecca ŭ zajavie.
«U vypadku nievykanańnia jakim-niebudź spartsmienam kryteryjaŭ dopusku abo nievykanańnia strohich umoŭ udziełu, vykładzienych vyšej, mižnarodnaja fiederacyja i/abo adpaviedny arhanizatar spartyŭnych mierapryjemstvaŭ pavinny nieadkładna źniać jaho sa spabornictvaŭ, adchilić ad dalejšych spabornictvaŭ i paviedamić pra hety incydent na razhlad MAK dla pryniaćcia dalejšych mier i sankcyj», — adznačajuć u MAK.
U kancy lutaha 2022 hoda MAK zaklikaŭ adchilić rasijskich i biełaruskich spartsmienaŭ ad mižnarodnych spabornictvaŭ z-za vajny Rasii va Ukrainie. Mnohija fiederacyi da hetaha prysłuchalisia.
Ciapier čytajuć
Poŭny śpis palitviaźniaŭ, vyzvalenych 13 śniežnia6
Kamientary
Heta jak? Moža aktyŭna NIE padtrymlivać?