Abrany prezident Čechii: Ukrainie pavinny dać usiu zbroju, akramia jadziernaj
Były kiraŭnik Vajskovaha kamiteta NATA Petr Paveł, jaki niadaŭna byŭ abrany prezidentam Čechii, ličyć, što na vajennuju dapamohu Ukrainie ŭ supraćstajańni rasijskaj ahresii nie pavinna być «nijakich abmiežavańniaŭ». Pra heta jon skazaŭ u intervju AFP.
Paveł miarkuje, što Zachad pavinien dać Ukrainie ŭsie vidy zbroi, akramia jadziernaj.
«Što tyčycca zvyčajnych uzbrajeńniaŭ, to ja sapraŭdy nie baču pryčyn dla jakich-niebudź abmiežavańniaŭ.
Ukraina nie moža zmahacca z takim mocnym praciŭnikam biez braniavanych technałohij, bieśpiłotnych latajučych aparataŭ, artyleryi i rakiet vialikaj dalokaści, ale, mahčyma, i biez zvyšhukavych samalotaŭ», — dadaŭ jon.
Abrany prezident Čechii zaznačyŭ, što «niekatoryja krainy zajmajuć krychu strymanuju pazicyju» pa pastaŭkach sučasnaj zbroi. «Kali my zojmiem adzinuju pazicyju, heta daść nam bolš šancaŭ na pośpiech. My pavinny dziejničać u adzinstvie ŭ hetych pytańniach», — skazaŭ jon.
«My pavinny dać Ukrainie ŭsie srodki, kab dapamahčy joj vycieśnić rasijskuju armiju. Važna demanstravać pastajannuju padtrymku Ukrainy, padkreślivać usio dobraje i žadańnie praciahvać našu inicyjatyvu. Ja dumaju, što heta toje, što Ukraina pavinna pačuć», — padkreśliŭ Paveł.
Čytajcie taksama:
Novy prezident Čechii źbirajecca ź vizitam va Ukrainu
Premjer-ministr Izraila ŭpieršyniu dapuściŭ mahčymaść pastavak va Ukrainu sistemy «Žalezny kupał»
ZŠA daduć Ukrainie rakiety dalokaściu da 150 km, ale nie 300, jakija Kijeŭ daŭno prosić
U Estonii aryštavany Aleh Maisiejeŭ, kažuć jaho znajomyja. Heta były kiroŭca Cichanoŭskaj, jaki z časam staŭ jaje zaciatym krytykam23
Kamientary