Voś što palapšaje pamiać: novyja teoryi

Usie my viedajem takuju śpiecyju, jak karyca. Hetym duchmianym karyčnievym paraškom nadajuć smak kavie, bułačcy i inšaj vypiečcy, i navat časam dadajuć jaho ŭ suchija śniadanki, piša inc.com.

Mahčyma, isnuje suviaź pamiž spažyvańniem karycy i palapšeńniem pamiaci dy zdolnaści navučacca. Heta aktualna jak u karotkaterminovaj pierśpiektyvie, tak i ŭ vypadku z doŭhaterminovymi parušeńniami pamiaci.

Dla artykuła ŭ časopisie Nutritional Neuroscience daśledčyki ź iranskaha Univiersiteta miedycynskich navuk Birdžanda razhledzieli 2605 daśledavańniaŭ, i 40 ź ich adpaviadali kryteryjam navukoŭcaŭ nakont suviazi karycy i pamiaci. Asnoŭny vynik daśledavańniaŭ — toje, što ŭžyvańnie karycy nasamreč palapšaje i pamiać, i zdolnaść navučacca.

Pakul jašče rana rabić niejkija vysnovy, bo patrebnyja dadatkovyja daśledavańni. Ale hety artykuł — čarhovaje śviedčańnie taho, što niekatoryja pradukty i śpiecyi zdolnyja palapšać pamiać.

Harvardskija navukoŭcy daśledavali charčovyja zvyčki amal 28 tysiač mužčyn, starejšych za 20 hadoŭ. Jany vyśvietlili, što tyja, chto jeść bolš sadaviny i harodniny, majuć mienš prablem z pamiaćciu.

Italjanskija navukoŭcy ŭ 2017 hodzie daśledavali spažyvańnie kakavy i šakaładu. Vynik nastupny: kali jeści šmat šakaładu pierad testami na kahnityŭnyja pakazčyki, heta pavyšaje pradukcyjnaść padčas testaŭ. Bolš za toje, pažyłyja ludzi, u jakich užo adznačałasia paharšeńnie pamiaci abo inšyja lohkija kahnityŭnyja parušeńni, adčuvali siabie lepš ad šakaładu. Ale, jak ličać vučonyja, dla pamiaci karysnyja nie tłušč ci cukar, a fłavanoły — złučeńni, što prysutničajuć u šakaładzie.

A daśledavańnie, praviedzienaje ŭ Karaleŭskim kaledžy ŭ Łondanie, śviedčyć, što intervalnaje haładańnie stymuluje — jak minimum u vypadku z myšami — raźvićcio novych niejronaŭ hipakampa i palapšeńnie pamiaci.

Jość mierkavańnie, što, akramia pravilnaha charčavańnia, aktyŭnaść nakštałt aerobnaj fizičnaj nahruzki, dobry son i navat paŭnavartasnaje seksualnaje žyćcio spryjajuć niejrahienezu ci, praściej kažučy, źjaŭleńniu novych niervovych kletak. Što da dyjety, dadavajcie ŭ jaje, akramia šakaładu, morapradukty, zielaninu, arechi i baby, a taksama kurkumu, razmaryn, šałfiej, šafran i imbir. Ale va ŭsim znajcie mieru: taja samaja karyca ŭ vialikich kolkaściach moža być kancerahienam.

Dadajcie hetuju śpiecyju ŭ kavu — i vy zaŭsiody budziecie tak rabić

«Nie viedaješ — nie biary, pieršaje praviła traŭnika». Jakaja na smak biełaruskaja harbata?

Recept na vychadnyja: šakaładna-bananavyja francuzskija tosty

• 38
• 0
• 7
• 7
• 14
• 33
• 67
• 0