Kviencin Tarancina napisaŭ scenaryj dla svajho novaha filma, jaki, vidać, stanie apošnim
Režysior Kviencin Tarancina zaviaršyŭ pracu nad scenarom novaha i, vierahodna, apošniaha svajho filma, paviedamlaje Hollywood Reporter. Scenaryj atrymaŭ nazvu «Kinakrytyk» (The Movie Critic).
Pavodle papiaredniaj infarmacyi, karcina pryśviečana Palin Kiejł — amierykanskaj žurnalistcy, adnoj z najbolš upłyvovych śpiecyjalistak u halinie kinakrytyki. Dziejańnie filma budzie razhortvacca ŭ Łos-Andželesie 1970-ch hadoŭ.
Čakajecca, što zdymki pačnucca ŭžo vosieńniu hetaha hoda.
Raniej halivudski režysior zajaŭlaŭ pra žyćciovyja płany źniać nie bolš za 10 karcin i «syści na piensiju da taho času, pakul jamu spoŭnicca 60». Kali ličyć dźvie častki bajevika «Zabić Biła» za adnu pracu, to ciapier na rachunku 59-hadovaha Tarancina akurat dzieviać karcin.Tamu, kali jon vykanaje svajo abiacańnie, hety film maje stać dla jaho apošnim.
Zrešty, pra svoj namier syści z prafiesii Tarancina zajaŭlaŭ i paśla vychadu svajho dziaviataha filma «Adnojčy ŭ Halivudzie» ŭ 2019 hodzie.
Kviencin Tarancina, jak režysior, zdabyŭ papularnaść i viadomaść paśla vychadu ŭ 1994 hodzie filma «Kryminalnaje čytvo». Pra paśpiachovaść hetaha filma śviedčyć choć by toje, što pry biudžecie ŭ 8 młn dalaraŭ karcina pryniesła 100 młn dalaraŭ prybytku. Taksama jaho prasłavili filmy «Zabić Biła», «Biassłaŭnyja vyradki», «Džanha vyzvaleny».
Ciapier čytajuć
Viktar Łukašenka zaśviaciŭ na pasiadžeńni NAK svoj hadzińnik — ciažki luks32
Viktar Łukašenka zaśviaciŭ na pasiadžeńni NAK svoj hadzińnik — ciažki luks
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2222
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki22
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary