Čamu katy varkočuć? Niekatoryja ŭładalniki žyvioł ličać, što jany heta robiać vyklučna ad asałody. Ale heta nie zusim tak.
Murkańnie ŭ katoŭ — heta naŭmysny sposab manipulacyi čałaviekam dla zadavalnieńnia kacinych patreb va ŭvazie, u ježy i h. d. Pra heta 14 sakavika napisaŭ navukovy časopis BBC Science Focus sa spasyłkaj na niekalki daśledavańniaŭ u hetaj halinie.
Daśledavańni pakazvajuć, što pryčynaj kacinaha murkańnia moža być sproba manipulavać čałaviečaj psichikaj. Navukoŭcy viedajuć, što huki varkatańnia iduć z hartani kata: žyvioła ściskaje tuju častku hartani, jakaja sutykajecca z hałasavymi źviazkami, što vyklikaje vibracyju na ŭdychu. Heta i jość varkatańnie.
Katy mohuć mianiać svajo murkańnie ŭ zaležnaści ad abstavin. Akustyčnaja jakaść huku kata, jaki prosić, kab jaho pačastavali, adroźnivajecca ad akustyčnaj jakaści varkatańnia ŭ rassłablenym stanie.
«Nielha nie zaŭvažyć, što murkańnie ź sihnałam «vyprošvańnia łasunkaŭ» usprymajecca čałaviekam jak bolš terminovaje, važnaje i mienš pryjemnaje. Chatnija hadavancy ŭ takim vypadku vykarystoŭvajuć vysokačastotnyja hałasavyja kampanienty, jakija padobnyja da tych, što vydajuć pry płačy niemaŭlaty. Takim čynam, hetym varkatańniem katy ŭpłyvajuć na naš instynkt vychavańnia i prosiać uvahi», — piša BBC Science Focus.
Ekśpierty taksama miarkujuć, što katy mohuć murkać u tym liku dla taho, kab supakoić siabie albo navat palehčyć bol. Jość navat daśledavańni ab tym, što murkańnie maje lačebny efiekt i moža spryjać rostu kostak i zahojvańniu ran.
«Adno daśledavańnie, apublikavanaje ŭ časopisie New Zealand Veterinary Journal, pakazała, što vibracyja kacinaha murkańnia (ad 20 da 150 Hc) moža spryjać rostu kostak i adnaŭleńniu miakkich tkanak. Choć hety miechanizm jašče da kanca nie vyvučany, užo ŭdałosia vyśvietlić, što jon spryjaje rostu važnaj hranulacyjnaj tkanki vakoł paškodžanych učastkaŭ arhanizma», — tłumačyć BBC Science Focus.
Adnak u časopisie adznačajecca, što na ludziach padobnaje nie spracuje.
Siamju ź dziciom nie puścili jeści ŭnutry kaviarni picu navynas. «Haraž» apraŭdvajecca, internet spračajecca4
Siamju ź dziciom nie puścili jeści ŭnutry kaviarni picu navynas. «Haraž» apraŭdvajecca, internet spračajecca
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1010
Kamientary