U Mintransie raskazali, čamu prablema pabudavać bietonku i kolki takich zrobiać za 2023 hod
U Biełarusi nie mohuć mocna rušyć napierad u budaŭnictvie tryvałych bietonnych daroh. Chacia, zdajecca, chapaje i materyjału, i abstalavańnia, i darožnaha pałatna, jakoje maje patrebu ŭ ramoncie. Ale technałohiju nie śpiašajucca pieranosić na trasy, kanstatuje STB.
Cemientnyja zavody źviedali maštabnuju rekanstrukcyju, darožniki asvojvajuć bietonaŭkładčyki i ŭsio bolš «bietonak» nanosiać na kartu krainy. Za apošniuju piacihodku ŭ Biełarusi prakłali abo adnavili 176 kiłamietraŭ aŭtadaroh ź bietonnym pakryćciom.
U 2023 hodzie zapłanavany ŭvod paŭdniova-zachodniaha abjezdu Mahilova — 11,5 kiłamietra. Taksama praciahvajucca raboty pa rekanstrukcyi aŭtadarohi R53 na ŭčastku ad Smalavič da Žodzina (15 kiłamietraŭ) z uvodam u nastupnym hodzie. Taksama ŭ hetym hodzie pačniecca rekanstrukcyja ŭčastka aŭtamabilnaj darohi M3 ad Łahojska da Pleščanic, kala 15 kiłamietraŭ. Usie hetyja darohi buduć u cemientnabietonnym vykanańni, raspavioŭ Ryhor Hłazko, namieśnik načalnika hałoŭnaha ŭpraŭleńnia aŭtamabilnych daroh Ministerstva transpartu i kamunikacyj Biełarusi.
Ale jon pryznaje, što pieralik moža padacca biednym.
I nazyvaje niekalki prablem ź bietonnym pakryćciom. Heta składanaści technałahičnaha charaktaru. Asfalt zastyvaje za ličanyja hadziny, pa zakančeńni jakich možna zapuskać ruch.
Bieton u hetych adnosinach bolš pieraborlivy — 28 sutak pa im nielha nie toje što puskać techniku, ale navat chadzić.
Jon pavinien nabrać tryvałaść. Tamu darožniki vymušany pieranakiroŭvać transpartnyja patoki, što nie zaŭsiody zručna.
Akramia taho, dohlad za bietonam vielmi śpiecyfičny. «Asablivaści — heta švy. I hetyja švy treba pry dobrych umovach ačyščać, vydzimać. Niedzie dahiermietyzavać», — tłumačyć Uładzimir Łatuškin, hienieralny dyrektar upraŭleńnia darožna-mastavoha budaŭnictva i dobraŭparadkavańnia Minharvykankama.
Pytańni zastajucca i ŭ častcy zimovaha ŭtrymańnia bietonnych daroh. U pieršyja hady ekspłuatacyi pasypać pakryćcio sollu i inšymi ahresiŭnymi sastavami nielha.
Ciapier čytajuć
U rasijskaj armii biełaruskaha najomnika paviesili na drevie ŭniz hałavoj i bili pałkaj pa hienitalijach22
Kamientary