Razabracca ŭ schiemach pieniaŭ, niaŭstojek i inšych niuansach mikrapazyk składana navat pravaachoŭnym orhanam, zajaviŭ žurnalistam člen Pastajannaj kamisii Pałaty pradstaŭnikoŭ pa pytańniach ekałohii, pryrodakarystańnia i čarnobylskaj katastrofy Ihar Chłabukin.
«U nas hetyja pasłuhi (pa vydačy mikrapazyk) akazvajuć nie tolki mikrafinansavyja arhanizacyi, ale i banki. Moža być, varta było b pahladzieć na pracu hetych arhanizacyj. Niejak ich abmiežavać. Ci pakinuć mahčymaść vydavać mikrapazyki tolki bankaŭskim arhanizacyjam, jakija mohuć akazać nasielnictvu kansultatyŭnyja pasłuhi», — cytuje słovy deputata «Sputnik».
Ihar Chłabukin adznačyŭ, što ciapier atrymlivać mikrapazyki zaprašajuć usich. Abiacajuć dać hrošaj navat ludziam z drennaj kredytnaj historyjaj i biez pastajannaj krynicy dachodaŭ. Časam u rekłamie havorycca, što mohuć dać da 30-50 tysiač.
«Heta vyklikaje peŭnyja aściarohi», — kanstatavaŭ Ihar Chłabukin.
Padpisvajučy damovy ab takich pazykach, ludzi čaściakom traplajuć u kabału, mohuć stracić kvateru. Časam davodzicca ŭmiešvacca prakuratury i dapamahać tym, chto trapiŭ na kručok mikrafinansavych arhanizacyj.
Biełarus kupiŭ 15 hadoŭ tamu akcyju «Hazprama». Kolki jon zarabiŭ za hety čas
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB28
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary