U Sudanie praz uzbrojenyja sutyknieńni zachras ekipaž biełaruskaha samalota Belcanto Airlines
U Sudanie padčas vajny miascovych siłavikoŭ za ŭładu zatrymaŭsia ekipaž biełaruskaha samalota kampanii Belcanto Airlines. Havorka idzie pra 7 hramadzian Biełarusi, paviedamiŭ u svaim telehram-kanale prapahandyst Ihar Tur.
Kampanija «Bielkanta» zajmajecca hruzapieravozkami, chutčej za ŭsio, havorka idzie pra bort Ił-76TD.
Jak paviedamlajuć svajaki členaŭ ekipaža, bort surjozna paškodžany, faktyčna — źniščany ŭ ahni.
Pavodle najaŭnaj infarmacyi, biełarusy — členy ekipaža znachodziacca ŭ biaśpiecy, usie na suviazi ź biełaruskim MZS, prapracoŭvajucca varyjanty viartańnia ekipaža dadomu.
Jak paviedamlaje telehram-kanał «MatolkaPamažy», na spadarožnikavych zdymkach kampanii Maxar ad 17 krasavika, jakija byli zroblenyja ŭ aeraporcie Chartum bačna, što źniščana nie mienš za 7 samalotaŭ. Pavodle źviestak Maxar, usiaho źniščana minimum 14 samalotaŭ.
Pavodle źviestak «MatolkaPamažy», adzin ź ich — całkam źniščany biełaruski samalot, jaki prylacieŭ tudy jašče 13 krasavika.
Nahadajem, što kanflikt u Sudanie razraziŭsia ŭ minułuju subotu, kali pačalisia ŭzbrojenyja sutyčki pamiž sudanskaj armijaj i siłami chutkaha reahavańnia. U chodzie kanfliktu zahinuli niekalki dziasiatkaŭ čałaviek. Paloty samalotaŭ spynienyja.
Ciapier čytajuć
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki2
Kamientary