Pryhožyn pachvaliŭsia źniščeńniem ukrainskaha hienierała. Ukrainski bok: Usie žyvyja i zdarovyja
Uładalnik PVK «Vahnier» Jaŭhien Pryhožyn vystupiŭ z zajavaj, što jahonym padnačalenym pad Bachmutam udałosia pacelić u mašynu z ukrainskim hienierałam. Ale ŭkrainski bok śćviardžaje, što heta niapraŭda.
«Siońnia ŭ 13:25 artyleryjskimi padraździaleńniami PVK «Vahnier» pry padychodzie reziervaŭ z nasielenaha punkta Časaŭ Jar u nasieleny punkt Bachmut byŭ źniščany bronieaŭtamabil, u jakim, jak miarkujecca, znachodziŭsia kamandujučy siłami terytaryjalnaj abarony USU Ihar Ivanavič Tanciura, jaki nakiroŭvaŭsia ŭ Bachmut. Ciapier udakładniajem hetuju infarmacyju i daviadziom paźniej», — śćviardžałasia ŭ paviedamleńni Pryhožyna, apublikavanym pres-słužbaj źviazanaj ź im kampanii «Kankord».
Adnak pres-sakratar kamandavańnia Sił terytaryjalnaj abarony USU Dzianis Zialinski adrazu ž abvierh słovy Pryhožyna:
«My aficyjna abviarhajem hetaje śćviardžeńnie. My nie kamientujem nijakija ŭkidy varožaj prapahandy. Usie žyvyja i zdarovyja», — skazaŭ jon u kamientary vydańniu «Suśpilnie novini».
Čytajcie taksama:
Ministr abarony Ukrainy dapuściŭ, što Rasija rychtuje novy žest «dobraj voli»
«Bolš, čym vojska Čechii abo Vienhryi». USU raspaviali, kolki rasijan vajuje pad Bachmutam
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary