U Dziarždumie paćvierdzili infarmacyju ab prablemach sa zdaroŭjem u Łukašenki
Pieršy namieśnik kiraŭnika Kamiteta rasijskaj Dziarždumy pa spravach SND Kanstancin Zatulin skazaŭ «Podjomu», što jamu viadoma, na što chvareje Łukašenka, ale dyjahnaz nie nazvaŭ.
«Tam ničoha takoha niezvyčajnaha niama, heta nie kavid. Prosta čałaviek zachvareŭ. Niahledziačy na toje, što čałaviek zachvareŭ, paličyŭ svaim abaviazkam pryjechać u Maskvu, a potym uviečary taho ž dnia pravodziŭ mierapryjemstvy ŭ Minsku. Napeŭna, maje patrebu ŭ adpačynku — voś i ŭsio», — prakamientavaŭ Zatulin.
U pres-słužbie Łukašenki aficyjna ničoha nie paviedamlajuć.
Apošni raz Alaksandr Łukašenka źjaŭlaŭsia na publicy 9 maja i mieŭ chvaravity vyhlad. Na ŭračystaściach u Minsku jon upieršyniu nie vystupiŭ z pramovaj. Siońnia na aficyjnych mierapryjemstvach znoŭ na ludziach nie źjaviŭsia.
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja90
Kamientary