Erdahan nazvaŭ pieršy tur «śviatam demakratyi» i ŭpeŭniena skazaŭ, što pieramoža ŭ druhim
14 maja Turcyja pieražyła śviata demakratyi — vybary z rekordnaj jaŭkaj, što stała mahčymym dziakujučy voli i rašučaści naroda. Pra heta zajaviŭ prezident Turcyi, kamientujučy ŭ tvitary papiarednija vyniki prezidenckich i parłamienckich vybaraŭ.
Turecki lidar adznačyŭ, što «nasupierak sprobam upłyvu na volu vybarščykaŭ z dapamohaj sacsietak, ŚMI», narod adstojvaje prava na svabodnaje volevyjaŭleńnie, piša Anadolu.
Pavodle słoŭ kiraŭnika tureckaj dziaržavy, hałasavańnie 14 maja stała pieramohaj 85 młn naroda Turcyi i tureckaj demakratyi.
«Bolš za 27 młn vybarščykaŭ, a mienavita 49.51 pracenta, vykazalisia ŭ padtrymku majoj kandydatury, što źjaŭlajecca vialikim honaram dla mianie. Na vybarach u parłamient taksama bolšaść hałasoŭ sabraŭ Respublikanski aljans, što stała pakazčykam davieru da nas i našaha palityčnaha błoku. Vybarščyki pakazali, u čym jany bačać svaju budučyniu», — zajaviŭ turecki lidar.
Erdahan padziakavaŭ kožnamu z 56 młn vybarščykaŭ za ŭkład u demakratyju.
«Jak palityk, jaki nikoli nie adchilaŭsia ad kursu i voli naroda, ja pavažaju volu vybarščykaŭ Turcyi. My poŭnyja rašučaści praciahnuć namahańni i 28 maja dakazać narodu svaju adkaznaść. Upeŭnieny, što pa vynikach hałasavańnia 28 maja my pieravysim pakazčyki vybaraŭ 14 maja, i tym samym damožamsia histaryčnaha pośpiechu. Užo ź siońniašniaha dnia my pačynajem pracu pa padrychtoŭcy da hałasavańnia 28 maja ŭ śviatle kancepcyi stahodździa Turcyi. My imkniomsia zaručycca hałasami ŭsich vybarščykaŭ, niezaležna ad palityčnych pohladaŭ», — padsumavaŭ jon.
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj4
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1313
Kamientary