Dva kampanienty zienitna-rakietnaha kompleksu Patriot byli paškodžanyja padčas rakietnaha napadu rasijan, paviedamlaje CNN sa spasyłkaj na svaje krynicy.
«Rasijski abstreł, jaki składaŭsia z hipierhukavych rakiet «Kinžał», kryłatych rakiet «Kalibr» i inšych bojeprypasaŭ, paškodziŭ hienieratar batarei Patriot i častku elektroniki sistemy», piša vydańnie.
Pa słovach troch inšych amierykanskich čynoŭnikaŭ, paškodžańni byli minimalnymi ci «niaznačnymi». Pa słovach adnaho z čynoŭnikaŭ, sistema zastavałasia funkcyjanalnaj na praciahu ŭsiaho napadu i zastajecca ŭ sietcy.
ZŠA nakiravali inśpiektaraŭ dla pravierki sistemy.
Adnoj ź viersij zdareńnia źjaŭlajecca toje, što heta abłomki rakiety paškodzili Patriot, ale śpiecyjalisty razhladajuć i inšyja varyjanty.
Minabarony Rasii raniej zajaviła, što 16 maja nibyta «vysokadakładnym udaram» «Kinžała» rasijanie parazili Patriot.
Kamientary