«Šachcior» padaŭ apielacyju na rašeńnie ABFF pa spravie ab damoŭnych matčach
Futbolnym kłubam «Šachcior» padadziena apielacyja na rašeńnie kamiteta kantrolna-dyscyplinarnaha i pa etyčnych pytańniach ABFF ad 10 maja 2023 hoda. Hetym rašeńniem kłub byŭ pazbaŭleny zołata čempijanatu-2022, 50 ačkoŭ u ciapierašnim i nastupnym siezonach, a taksama aštrafavany na 370 000 rubloŭ.
U apielacyi źviartajecca ŭvaha, što pradstaŭniki kłuba nie mieli mahčymaści aznajomicca z materyjałami spravy i zajavić piśmovuju pazicyju pa spravie, kab pradstavić dokazy i tłumačeńni.
Kłub taksama ličyć, što jaho vina va ŭčynieńni nazvanych parušeńniaŭ nie paćvierdžana adpaviednymi dokazami.
U apielacyi adznačajecca, što «pry pryznačeńni pakarańniaŭ […] KKD kiravaŭsia normami dyscyplinarnaha kodeksa z ulikam źmien, pryniatych vykankamam ABFF 6 sakavika 2023 hoda […], što supiarečyć art. 103 dyscyplinarnaha kodeksa, bo nazvanyja ŭ rašeńni matčy byli praviedzieny ŭ 2022 hodzie».
Jašče adzin dovad kłuba — toje, što «dyscyplinarny kodeks nie praduhledžvaje mahčymaści pazbaŭleńnia bolšaj kolkaści ačkoŭ, čym było atrymana kłubam na datu pryniaćcia rašeńnia, i adnačasovaha pazbaŭleńnia turnirnych ačkoŭ u biahučym i ŭ budučym spabornictvach».
«Na dumku kłuba, pakarańnie ŭ vyhladzie dyskvalifikacyi na 12 miesiacaŭ hulca [Mikity Korzuna], jaki jakoha-niebudź udziełu ni ŭ damoŭnych matčach, ni ŭ niepravamiernym finansavym stymulavańni, zhodna ź infarmacyjaj, vykładzienaj u rašeńni KKD, nie braŭ, nie adpaviadaje […] pryncypam razumnaści i spraviadlivaści», — taksama havorycca ŭ apielacyi.
«Sami chutka zdochnuć». Foty z samita ŭ Minsku dajuć pabačyć Pucina i Łukašenku biez hrymu, a taksama Kolu12
«Sami chutka zdochnuć». Foty z samita ŭ Minsku dajuć pabačyć Pucina i Łukašenku biez hrymu, a taksama Kolu
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami4848
Kamientary