Aryna Sabalenka: Ja nie padtrymlivaju vajnu, to-bok nie padtrymlivaju Łukašenku ciapier
Paśla hulni na paślamatčavaj kanfierencyi Arynu Sabalenku siońnia znoŭ spytali pra staŭleńnie da vajny i Łukašenki. Jak piša «Trybuna», biełaruska adznačyła, što heta składanaje pytańnie, ale ciapier jana suprać vajny, nie padtrymlivaje Łukašenku i nie choča, kab jaje kraina była ŭciahnutaja ŭ bajavyja dziejańni.
— Vy kažacie, što nie padtrymlivajecie vajnu. Ale vy pa-raniejšamu padtrymlivajecie Alaksandra Łukašenku? — spytali Sabalenku.
— Nu, heta składanaje pytańnie. Ja nie padtrymlivaju vajnu, to-bok nie padtrymlivaju Łukašenku jakraz ciapier», — skazała Sabalenka.
Raniej biełaruska admaŭlałasia kamientavać padtrymku biełaruskaha dyktatara i vajnu va Ukrainie, paśla čaho jaje pres-kanfierencyi prachodzili ŭ paŭsakretnym režymie ci naohuł nie adbyvalisia.
Siońnia biełaruskaja tenisistka Aryna Sabalenka prabiłasia ŭ paŭfinał «Rałan Haros». U čverćfinale jana pieramahła ŭkrainku Elinu Śvitolinu, jakaja admoviłasia cisnuć ruku supiernicy.
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia18
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary