ZŠA abvieściać pra novy pakiet vajskovaj dapamohi dla Ukrainy na $2 miljardy
Užo ŭ hetuju piatnicu Pientahon abvieścić pra doŭhaterminovy pakiet uzbrajeńniaŭ dla Ukrainy, jaki budzie ŭklučać bojeprypasy dla supraćpavietranaj abarony, na sumu bolš za 2 miljardy dalaraŭ.
Prahrama dapamohi ZŠA raspracavanaja dla doŭhaterminovych patreb Ukrainy ŭ abaronie. U jaje ŭvojduć rakietnyja kompleksy kampanij Raytheon i Lockheed Martin.
Crodki, jakija buduć vydzielenyja ŭ ramkach inicyjatyvy sadziejničańnia biaśpiecy Ukrainy (USAI), pojduć na kuplu rakietnych puskavych ustanovak i rakiet Hawk, a taksama dvuch typaŭ sučasnych rakiet SPA Patriot, piša UNIAN sa spasyłkaj na Bloomberg.
Adzin ź ich — Patriot Advanced Capability Missile-3 (Pac-3) vytvorčaści Lockheed Martin. Inšy nazyvajecca Guidance Enhanced Missile (Game) kampanii Raytheon Technologies. Śćviardžajecca, što GET «zabiaśpiečvaje palepšanuju zdolnaść źniščać taktyčnyja balistyčnyja rakiety, kryłatyja rakiety abo samaloty praciŭnika ŭ dadatak da rakiety RAS-3».
Inicyjatyva USAI budzie hruntavacca na papiarednich namahańniach pa akazańni dapamohi ŭkrainskaj sistemie SPA ŭ baraćbie z rasijskim uvarvańniem. Jak adznačaje Bloomberg, prahrama praduhledžvaje kantrakty z terminami pastaŭki praź niekalki miesiacaŭ ci navat hadoŭ, kab zadavolić doŭhaterminovyja patreby krainy ŭ halinie biaśpieki, a nie dla nieadkładnaha vykarystańnia na poli boju.
Vydańnie nahadvaje, što ZŠA abviaścili ŭ listapadzie minułaha hoda, što jany buduć pastaŭlać sistemy Hawk z ułasnych zapasaŭ, ale jany pavinny byli być adramantavanyja za košt srodkaŭ USAI.
«Supraćpavietranaja abarona była hałoŭnym pryjarytetam dla Ukrainy, kab supraćstajać niadaŭnim abstrełam kryłatymi i balistyčnymi rakietami pavietranaha i naziemnaha bazavańnia haradoŭ, a taksama zabiaśpiečyć prykryćcio ad rasijskich samalotaŭ padčas doŭhačakanaha kontrnastupu», — piša Bloomberg.
Ciapier čytajuć
Prapahandysty pakazali šeść biełarusaŭ, aryštavanych za danaty. Bolšaść ź ich pieravodzili niaznačnyja sumy15
Kamientary