NIŠO budzie! Źjaviŭsia adkryty słoŭnik biełaruskaha słenhu, jaki moža dapoŭnić kožny
Aktyvisty stvaryli anłajn-słoŭnik «NIŠO», u jakim, pavodle zadumy, buduć źbiracca sučasnyja biełaruskija słovy, słenh haradskich i sielskich supolnaściaŭ, prafiesijny žarhon, a taksama staryja słovy, jakija nabyvajuć novy sens u sučasnym kantekście.
Prajekt stvaryŭ aktyvist Michaił Vołčak sa svajoj nievialikaj vałanciorskaj kamandaj dyzajnieraŭ i prahramistaŭ. Ideja ŭźnikła vosieńniu 2022 hoda na pieršym chakatonie digital-rašeńniaŭ «Kulturny kod», jaki pravodziŭsia Biełaruskaj radaj kultury i Imaguru Startup HUB Vilnius.
Słova «Nišo», jakoje ŭziata ŭ jakaści nazvy słoŭnika, na zachodniepaleskim dyjalekcie aznačaje «niešta». Jano vybrana, vidać, nievypadkova, bo sam Vołčak zajmaŭsia pčalarstvam u paleskaj vioscy.
U adroźnieńnie ad inšych słoŭnikaŭ, stvarać jaho buduć nie linhvisty ci prafiesijnyja litaratary, a prostyja ludzi: admysłoŭcy ŭ roznych halinach, padletki, błohiery, žurnalisty, naohuł luby, chto štodzionna karystajecca movaj. Kab pačać dadavać słovy, dastatkova prosta zarehistravacca. Tym nie mienš kamanda šukaje hika-linhvista, jaki dapamoža prajektu ŭ zbory słoŭ i maderacyi kantentu.
Jak tłumačyć stvaralnik sajta, «słenh moža być prafiesijny, haradski, uzrostavy, rehijanalny, sielski, subkulturny, naohuł [kažučy], luby, jakomu, vy ličycie, varta być u biełaruskaj movie».
«Vaša mova — vašy praviły. I tady dakładna nišo budzie!» — tłumačać stvaralniki sajta.
Padobnyja prajekty isnujuć i dla inšych moŭ. Najbolš viadomy — anłajn-słoŭnik moładzievych słoŭ i fraz anhlijskaha słenhu Urban Dictionary, stvorany jašče ŭ 1993 hodzie, jaki źmiaščaje bolš za siem miljonaŭ słoŭnikavych aznačeńniaŭ. Materyjały na im taksama redahujucca vałanciorami i aceńvajucca naviedvalnikami sajta.
-
Kłunki, afełak, raschrystany. Biełarusy dzielacca trapnymi biełaruskimi słovami, jakija jany vykarystoŭvajuć u ruskaj movie
-
Apošnija biełaruskija hałasy. U Łathalii poŭnaściu vymierła biełaruskaja mova
-
Samaja biełaruskaja litara? U litoŭskaj movie kiryličnaja «ŭ» źjaviłasia raniej, čym u biełaruskaj
Ciapier čytajuć
«Muž syšoŭ ź Sipłym i Małym». Imavierna, pad Kramatorskam ukraincy adnym macham ubajdosili troch biełaruskich najomnikaŭ19
Kamientary