Uład Bumaha na forumie ŭ Pieciarburhu praśpiavaŭ i stancavaŭ z Kirkoravym i Cimaci
Adnaho z samych papularnych ruskamoŭnych błohieraŭ, biełarusa Ułada Bumahu «A4», zaŭvažyli na Pieciarburhskim mižnarodnym ekanamičnym forumie ŭ kampanii rasijskich zorak Cimaci i Filipa Kirkorava. Videa ich sumiesnaha vystupu apublikavaŭ telehram-kanał Shot.
Jak paviedamlaje RIA FAN, jakoje źviazvajuć z zasnavalnikam PVK «Vahnier» Jaŭhienam Pryhožynym, Filip Kirkoraŭ i repier Cimaci padčas forumu «pahutaryli z žurnalistami i prychilnikami, a taksama sustrelisia ź biełaruskim vykanaŭcam Uładam Bumaham».
Zatym jany razam praśpiavali la stenda rasijskaj sacyjalnaj sietki «UKantakcie» pieśniu Kirkorava «Ćviet nastrojenija sinij».
«Pavodle najaŭnaj infarmacyi, padčas hutarki Kirkoraŭ i Bumaha damovilisia pra jašče adnu sustreču. Adnak dakładnaje miesca pakul nieviadomaje», — napisała RIA FAN.
U pačatku hoda paviedamlałasia, što Uład A4 padpisaŭ kantrakt z VK videa i pakinuŭ YouTube. Heta adbyłosia paśla taho, jak YouTube prypyniŭ pakaz rekłamy hledačam z Rasii.
Cimaci i Filip Kirkoraŭ raniej publična padtrymali rasijskuju vajennuju ahresiju suprać Ukrainy i za heta trapili pad sankcyi Kijeva.
Da «Dnia narodnaha adzinstva» pamiłavali 25 čałaviek4
Kamientary