U adnym z telehram-kanałaŭ siłavikoŭ było źmieščana videa, na jakim dziaŭčyna raspaviadaje pra svaju «vinu»: maŭlaŭ, karystałasia na pracy termakubkam z vyjavaj hierba «Pahonia» i nadpisam «Žyvie Biełaruś». Jaje pryznali vinavataj u niesankcyjanavanym pikietavańni i asudzili da troch sutak aryštu.
Miesca pracy dziaŭčyny — Aršanski lnokambinat. Pavodle jaje pakazańniaŭ, kubak jana nabyła ŭ kramie i tamu nie ličyła, što jon moža być pradmietam pravaparušeńnia. Razam ź dziaŭčynaj u kabiniecie pracujuć 15 čałaviek.
Admysłova svoj ułasny posud jana nikomu nie demanstravała, ale kalehi mahli zaŭvažyć, što na napoŭnienym haračaj vadkaściu kubku prastupaje vyjava «Pahoni» i łozunh «Žyvie Biełaruś».
Padobna na toje, što jaje zdaŭ niechta z kaleh: u administracyjnaj spravie fihurujuć fotazdymki, na jakich dziaŭčyna paznała i siabie, i svoj termakubak.
Dziaŭčynu pakarali aryštam na troje sutak. A termakubak sud pastanaviŭ źniščyć, piša «Viciebskaja viasna».
U Estonii aryštavany Aleh Maisiejeŭ, kažuć jaho znajomyja. Heta były kiroŭca Cichanoŭskaj, jaki z časam staŭ jaje zaciatym krytykam23
Kamientary