U krakaŭskim biełaruskim vydaviectvie Gutenberg vyjšła kniha «Belarus: An Illustrated History», jakaja maje adkryvać historyju našaj krainy inšaziemcam. Padziei ŭ joj apisvajucca ad staražytnaści da kanca XVIII stahodździa: pierad čytačom razhortvajecca saha pra ludziej, što budavali svajo žyćcio na bierahach Dźviny, Dniapra i Niomana. Kniha pra ich bahoŭ i zvyčai, pra ład žyćcia i kulturu. I biezumoŭna — pra biaskoncyja vyprabavańni, vojny i pieramohi.
31 siužet pradyktavany pani Historyjaj i zapisany Uładzimiram Arłovym. Ich hieroi jak žyvyja: voś mały Bračysłaŭ trymajecca za mieč baćki, zadavolena paciraje ruki manholski chan, a voś vučycca čytać pa-biełarusku pa adnoj z knih Symona Budnaha šaścihadovy Leŭ z rodu Sapiehaŭ.
U knizie vielmi šmat padrabiaznych ilustracyj, jakija praŭdziva pakazvajuć sceny daŭnich časoŭ.
Krakaŭskaje biełaruskaje vydaviectva Gutenberg Publisher užo pradaje knihu na svaim sajcie na ŭvieś śviet. Taksama jaje možna nabyć afłajn u Varšavie (Biełaruski moładzievy chab, płošča Kanstytucyi, 6 (pl. Konstytucji 6), a nieŭzabavie i ŭ Vilni.
Častka nakładu knihi ŭžo dastaŭlenaja ŭ Złučanyja Štaty, tamu biełarusam Amieryki najzručniej nabyć knihu na litarka.com.
Fundatary knihi — Biełaruski dabračynny fond u Vialikabrytanii i Pavieł Bierahovič.
«Gutenberg Publisher budzie nie prosta vydaviectvam, a i intelektualnaj prastoraj». Stvaralnica biełaruskaha vydaviectva za miažoj — pra pracu, hrošy, nadziei i pierśpiektyvy
Źjaviŭsia pazł «Bitva pad Oršaj» i «Biełaruski narodny sońnik»
«Navat Prypiać mocna źmianiła svajo rečyšča». Biełarus z dapamohaj ChatGPT stvaryŭ unikalny sajt, dzie staradaŭnija karty Biełarusi možna paraŭnać z sučasnymi
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami12
Kamientary