Žurnalisty CNN ličać, što rasijski prezident Uładzimir Pucin nie daruje vierchavodu «Vahniera» Jaŭhienu Pryhožynu jahony miaciež. Pra heta zajaviła eks-kiraŭnik maskoŭskaha biuro CNN Džyn Dohierci, pieradaje «UP».
«Pucin nie daruje zdradnikam. Navat kali Pucin kaža: «Pryhožyn, jedź u Biełaruś», toj usio roŭna budzie zdradnikam, i ja dumaju, što Pucin nikoli hetaha nie daruje…» — skazała eks-kiraŭnik maskoŭskaha biuro CNN Džyn Dohierci.
Jana dadała, što całkam mahčyma, što Pryhožyna «zabjuć u Biełarusi», i heta składanaja dylema dla Maskvy, bo pakul Pryhožyn «maje niejkuju padtrymku, jon źjaŭlajecca pahrozaj, niezaležna ad taho, dzie jon znachodzicca».
Džyn Dohierci źviarnuła ŭvahu na tuju padtrymku, jakuju mieli vahnieraŭcy na vulicach Rastova.
«Kali b ja była Pucinym, to chvalavałasia b z-za tych ludziej na vulicach Rastova, jakija padbadziorvali bajcoŭ «Vahniera», kali tyja išli. Čamu šarahovyja rasijanie na vulicy vitajuć ludziej, jakija tolki što sprabavali ździejśnić dziaržaŭny pieravarot? Heta aznačaje, što, mahčyma, jany ich padtrymlivajuć ci jany im padabajucca. Tak ci inakš heta vielmi kiepskija naviny dla Pucina», — havoryć jana.
U subotu ŭviečary ŭ pres-słužbie Alaksandra Łukašenki zajavili, što toj pravioŭ pieramovy z kiraŭnikom PVK «Vahnier» Jaŭhienam Pryhožynym, jaki pryniaŭ prapanovu ab spynieńni ruchu vahnieraŭcaŭ na Maskvu. Pryhožyn nibyta pajechaŭ u Biełaruś.
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1111
Kamientary