Hramadstva99

BPC hatovaja pryniać prarasijskich manachaŭ z Kijeva-Piačerskaj łaŭry ŭ siabie, kali ich adtul vysielać 

Sinod Biełaruskaj Pravasłaŭnaj Carkvy vydaŭ zajavu, u jakoj asudziŭ płany pa nibyta vyvazie z Kijeva-Piačerskaj łaŭry asabliva šanavanych carkoŭnych śviatyń. Čutki pra nibyta najaŭnaść va ŭkrainskich uładaŭ padobnych płanaŭ raniej zapuściła rasijskaja prapahanda.

Fota: AP Photo/Andrew Kravchenko

Biełaruskaja pravasłaŭnaja carkva padchapiła rasijski prapahandyscki naratyŭ i pabudavała svaju zajavu na im. Pavodle BPC, «ukrainskija ŭłady praciahvajuć vierałomnyja zamachi na vialikuju śviatyniu ŭsich pravasłaŭnych viernikaŭ, nie pakidajučy biazbožnych sprobaŭ spustošyć kałysku pravasłaŭnaj viery ŭschodniesłavianskich narodaŭ», i heta, maŭlaŭ, niahledziačy na pratesty šmatlikich viernikaŭ i asudžeńnie mižnarodnaj supolnaści. 

Ijerarchija BPC biaduje, što nibyta isnuje vialikaja niebiaśpieka, što kaštoŭnaści mohuć być paškodžanyja ci zhublenyja pry hetym mierkavanym transpartavańni albo, što jašče strašniej, apynucca ŭ muziejach ci pryvatnych kalekcyjach.

Chvaluje Biełaruski ekzarchat RPC los nie tolki rečaŭ, ale i ludziej: «Parušeńniem zakanadaŭstva, demanstratyŭnym aktam pahardy da ahulnačałaviečych kaštoŭnaściaŭ i pravoŭ viernikaŭ źjaŭlajecca čarhovaje pradpisańnie Ministerstva kultury Ukrainy nasielnikam Kijeva-Piačerskaj łaŭry pakinuć terytoryju manastyra, a taksama vysokaja imaviernaść vyhnańnia manachaŭ z łaŭry».

U vypadku, kali takoje adbudziecca, u Biełarusi ŭžo hatovyja pryniać hetych manachaŭ na svajoj terytoryi.

Aktyŭnaja faza kanfliktu vakoł Kijeva-Piačerskaj łaŭry ciahniecca z sakavika hetaha hoda. Ukrainskaja pravasłaŭnaja carkva Maskoŭskaha patryjarchatu šmat hadoŭ biazvypłatna zajmała pamiaškańnie Kijeva-Piačerskaj łaŭry, na Piačerskich pahorkach raźmiaščaŭsia jaje mužčynski manastyr. Apošniaja damova adnosna hetaha była zaklučanaja padčas prezidenctva Viktara Janukoviča 19 lipienia 2013 hoda.

Adnak u pačatku sakavika Ministerstva kultury Ukrainy paviedamiła, što damova na biezapłatnaje karystańnie UPC Kijeva-Piačerskaj łaŭraj anulujecca z 29 sakavika 2023 hoda i heta tyčycca ŭsich pamiaškańniaŭ, jakija UPC u łaŭry aranduje.

Z toj pryčyny, što Kijeva-Piačerskaja łaŭra — ułasnaść ukrainskaj dziaržavy, to vysialeńnie adtul UPC robicca na padstavie vysnoŭ mižviedamasnaj pracoŭnaj hrupy, jakaja padčas svajoj pracy vyjaviła parušeńnie manastyrom umoŭ damovy pa vykarystańni dziaržaŭnaj majomaści.

UPC MP, u svaju čarhu, zajaŭlaje, što jurydyčnych padstaŭ dla takich krokaŭ niama i vysialeńnie mužčynskaha manastyra z Kijeva-Piačerskaj łaŭry — prosta «kapryz čynoŭnikaŭ ź Minkulta». Namieśnik Kijeva-Piačerskaj łaŭry mitrapalit Pavieł z pačatku krasavika znachodzicca pad chatnim aryštam, suprać jaho zaviedzienyja kryminalnyja spravy pa padazreńniach u raspalvańni mižrelihijnaj varožaści, apraŭdańni i admaŭleńni ŭzbrojenaj ahresii Rasii suprać Ukrainy.

Kamientary9

  • Prostaja praŭda
    04.07.2023
    Bizantyjski j saviecki mientalitety abjadnoŭvajuć schilnaść da adnabakovaje hipierbalizacyi j histeryki, samaapraŭdvajučaja zvyčka havaryć jak viečna aŭtamatyčnyja achviary, dy adsutnaść abjektyŭnaści j samakrytyčnaści. Pa vyznačeńni manachi j manaški ničym nie vałodajuć i ni da čaho nie pryviazanyja. I kali jany nia złoŭžyvajuć relihijnymi miescami ŭ palityčnych i militarysckich metach, Boh nie adbiare ŭ ich hetyja miescy.
  • Vładisłav
    04.07.2023
    Hetyja manachi nie vypuściać svoj šaniec. Schopiać miortvaj chvatkaj i plunuć na ŭsie damovy arendy.
    Jany biaruć prykład ź Judy Iskaryjota, jak atrymać krynicu dachodu.
    Viadoma, što samazvaniec Juda napisaŭ pra siabie Jevanhielle; abviaściŭ siabie lubimym apostałam Chrysta (jon nie chacieŭ pytacca mierkavańnia samoha Isusa Chrysta).
  • čarniec
    04.07.2023
    BPC, heta pył ŭ vočy, šylda, nie isnuje nijakaj BPC. Heta jak staršyń abłasnych vykankamaŭ nazyvajuć hubiernatarami. Jość Biełaruski ekzarchat RPC, ruskaja carkva na Biełarusi. 

Ciapier čytajuć

Tehieran haryć. Izrailskija źniščalniki praciahvajuć udary, pakul SPA Irana biaśsilnaja6

Tehieran haryć. Izrailskija źniščalniki praciahvajuć udary, pakul SPA Irana biaśsilnaja

Usie naviny →
Usie naviny

U Homieli 7 hadoŭ tamu pabudavali prybiralniu ledź nie za miljon dalaraŭ. Jak u joj ciapier?4

U Dubai zahareŭsia 67-paviarchovy chmaračos3

Što moža čakać tych, kaho buduć sudzić pa spravie «Biełaruskaha Hajuna»?

Łukašenka parekamiendavaŭ biełarusam nie nalahać na bulbu13

Izrailcianam prychodziać špijonskija paviedamleńni ad karespandentki ANT10

Usploski zakazaŭ picy kala Pientahona mahli śviedčyć pra budučuju ataku na Iran9

Dyrektarka dziciačaha centra, dzie razmaŭlajuć vyklučna na ruskaj, abvinavačvaje čynoŭnikaŭ i dziaržaŭnych žurnalistaŭ u chłuśni27

Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1

U vyniku ŭdaraŭ Izraila pa Iranie likvidavanyja dzieviać viadučych fizikaŭ-jadzierščykaŭ4

bolš čytanych navin
bolš łajkanych navin

Tehieran haryć. Izrailskija źniščalniki praciahvajuć udary, pakul SPA Irana biaśsilnaja6

Tehieran haryć. Izrailskija źniščalniki praciahvajuć udary, pakul SPA Irana biaśsilnaja

Hałoŭnaje
Usie naviny →

Zaŭvaha:

 

 

 

 

Zakryć Paviedamić