U Łuhansku prahrymieli vybuchi. Rasijanie zajaŭlajuć pra vykarystańnie kasietnych bojeprypasaŭ
Miascovyja pabliki i rasijskija prapahandysty paviedamlajuć pra vybuchi ŭ Łuhansku.
TASS sa spasyłkaju na miascovyja akupacyjnyja ŭłady śćviardžaje, što USU nanieśli ŭdar pa vakolicach Łuhanska nibyta z vykarystańniem dalnabojnych kasietnych bojeprypasaŭ.
13 lipienia kamandujučy ŭkrainskaj hrupoŭki vojskaŭ «Taŭryja» Alaksandr Tarnaŭski skazaŭ CNN, što Ukraina ŭžo atrymała ad ZŠA kasietnyja bojeprypasy, ale jašče nie prymianiała ich.
Ukrainski bok vybuchi ŭ Łuhansku nie kamientavaŭ.
U toj čas prezident Rasii Uładzimir Pucin nazvaŭ złačynstvam pastaŭki Ukrainie kasietnych bojeprypasaŭ i zajaviŭ, što Rasija nie vykarystoŭvała kasietnyja bojeprypasy.
«U Rasii dastatkovy zapas roznaha rodu kasietnych bojeprypasaŭ. Da hetaha času my hetaha nie rabili, nie ŭžyvali, i ŭ nas nie było takoj nieabchodnaści, niahledziačy na viadomy niedachop u peŭny pieryjad času i ŭ nas taksama bojeprypasaŭ, ale my hetaha nie rabili. Viadoma, kali jany buduć prymianiacca suprać nas, my pakidajem za saboj prava na lustranyja dziejańni», — zajaviŭ Pucin.
Ukrainski bok zajaŭlaŭ pra vykarystańnie rasijskimi vojskami kasietnych snaradaŭ.
Kasietnyja bojeprypasy składajucca z kantejnieraŭ, jakija raskryvajucca ŭ pavietry na vyšyni i raskidvajuć ad dziasiatkaŭ da sotniaŭ razryŭnych subbojeprypasaŭ.
Pakolki bojeprypasy achoplivajuć vialikuju płošču, jany ŭjaŭlajuć niebiaśpieku dla mirnych žycharoŭ: na terytoryi mohuć zastavacca subbojeprypasy, jakija nie razarvalisia.
Kanviencyja ab zabaronie kasietnych bojeprypasaŭ była pryniataja ŭ 2008 hodzie, adnak ni ZŠA, ni Ukraina, ni Rasija da jaje nie dałučylisia.
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary