Palitźniavolenuju Palinu Šarendu-Panasiuk viarnuli ŭ kałoniju №24 u Zareččy. Taksama stała viadoma, što rasśledavańnie novaj kryminalnaj spravy ŭ dačynieńni da jaje zavieršana.
Raniej pra miescaznachodžańnie Paliny było nieviadoma kala miesiaca.
«Ale siońnia stała dakładna viadoma, što Palina znachodzicca ŭ PK №24 (Zarečča). A taksama stała viadoma, što śledstva pa novaj kryminalnaj spravie pa art. 411 skončyłasia. Dniami Palinu i advakata aznajomiać z materyjałami spravy. Spravu pieradaduć u prakuraturu, a paźniej u sud. A Palina ŭžo na hetym tydni budzie pieraviedziena ŭ SIZA da suda», — napisaŭ u fejsbuku muž Paliny Andrej Šarenda.
Palinu Šarendu-Panasiuk zatrymali na pačatku studzienia 2021 hoda i asudzili na dva hady pazbaŭleńnia voli, abvinavaciŭšy va ŭžyvańni hvałtu ŭ dačynieńni da milicyjantaŭ i ich abrazie, a taksama ŭ abrazie Alaksandra Łukašenki. Na volu jana miełasia vyjści letam minułaha hoda.
Ale letaś jaje asudzili pa art. 411 KK da jašče adnaho hoda kałonii. U krasaviku 2023 hoda suprać žančyny zaviali ŭžo novuju spravu — za «złosnaje niepadparadkavańnie administracyi kałonii».
Ciapier čytajuć
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»5
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary