Ministr abarony Polščy Maryjuš Błaščak padčas naviedvańnia vajskovaha łahiera ŭ Jaryłaŭcy na Padlaššy zajaviŭ, što na miažy stvaryli śpiecyjalnuju vajskovuju hrupu dla praviadzieńnia apieracyi Rengaw.
«Ja vyrašyŭ stvaryć vajskovuju apieratyŭnuju hrupu dla apieracyi Rengaw niepadalok ad miažy ź Biełaruśsiu. Meta apieracyi — navučańnie polskaha vojska ŭ Padlašskim vajavodstvie niedaloka ad miažy, a taksama stvareńnie reziervaŭ na vypadak paharšeńnia situacyi», — zajaviŭ ministr.
Biahučuju situacyju na miažy jon acaniŭ jak tryvožnuju:
«Niama sumnievaŭ, što miaža Polščy ŭ niebiaśpiecy. My nazirajem praciahły cisk na polskaj miažy, sproby nielehalna pierasiekčy miažu mihrantami, jakich da hetaha zaachvočvaje biełaruski režym. Niama sumnievaŭ, što biełaruski režym supracoŭničaje z Kramlom.
Hetaja akcyja nakiravanaja suprać Polščy z metaj destabilizacyi našaj krainy. Pierakanany, što jana pravalicca dziakujučy słužbie polskaha vojska i ŭsiamu, što źviazana z umacavańniem miažy ź Biełaruśsiu».
Błaščak taksama nahadaŭ, što pad kamandavańniem pamiežnych vojskaŭ pravodzicca apieracyja Gryf, nakiravanaja na prykryćcio miažy ź Biełaruśsiu. U joj voźmie ŭdzieł da 4 000 polskich žaŭnieraŭ.
Ciapier čytajuć
Rasijskaja błohierka-miljońnica, jakaja zhańbiłasia ź biełaruskaj movaj, zapisała videa z tłumačeńniami — ale tak i nie vybačyłasia26
Kamientary
z.y. zadrali čarkaj i škvarkaj maskoŭskija kałabaranty, chaj sami joj padaviacca.