Elektryku adnaho z homielskich hipiermarkietaŭ prysudzili dva hady kałonii za asudžeńnie vajny
Supracoŭnika kramy Green Uładzimira Jakimca zatrymali na pracy 29 listapada.
Spačatku mužčyna atrymaŭ 15 sutak pavodle art. 19.11 (raspaŭsiud ekstremisckich materyjałaŭ) za padpiski ŭ sacyjalnych sietkach. Ale 14 śniežnia Uładzimira pierazatrymali ŭžo pa kryminalnaj spravie. Złačynstva zaklučajecca ŭ tym, što mužčyna asudziŭ rasijskuju vajennuju ahresiju ŭ adnym z čataŭ, paviedamlaje «Homielskaja viasna».
13 krasavika Homielski abłasny sud prysudziŭ Uładzimiru Jakimcu 2 hady kałonii ahulnaha režymu. Mužčyna pasprabavaŭ abskardzić prysud, ale Viarchoŭny sud pakinuŭ jaho bieź źmien.
Taksama stała viadoma, što 9 žniŭnia Uładzimira etapavali ŭ navapołackuju kałoniju dla adbyćcia pakarańnia. Akramia taho, Uładzimira Jakimca ŭnieśli ŭ «śpis hramadzian, jakija ažyćciaŭlajuć ekstremisckuju dziejnaść».
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary