Mižnarodnaja fiederacyja płavańnia ŭvodzić katehoryju dla transhiendaraŭ
Etap Kubka śvietu pa vodnych vidach sportu 2023 hoda, jaki projdzie ŭ Bierlinie ŭ kastryčniku, budzie ŭklučać spabornictvy ŭ adkrytaj katehoryi.
Jak paviedamlaje na svaim sajcie Mižnarodnaja fiederacyja płavańnia, spabornictvy ŭ adkrytaj katehoryi — «navatarski piłotny prajekt, jaki, vitajučy płyŭcoŭ luboha połu i hiendarnaj identyčnaści, padkreślivaje niepachisnuju prychilnaść arhanizacyi inkluziŭnaści».
Fiederacyja adznačaje, što ŭ adkrytaj katehoryi buduć pradstaŭleny zapłyvy na dystancyjach 50 i 100 mietraŭ va ŭsich stylach, z mahčymaściu ŭviadzieńnia dadatkovych spabornictvaŭ.
Udzielniki adkrytaj katehoryi buduć spaborničać na praciahu dvuch dzion u finałach pa časie, u jakich finalnyja miescy vyznačajucca pa časie, pakazanym u papiarednich zapłyvach. Heta aznačaje, što spartoŭcy płavajuć tolki adzin raz u svaim vidzie prahramy i nie ŭdzielničajuć u asobnych finalnych zapłyvach.
Kab mieć prava na ŭdzieł, płyŭcy pavinny być siabrami nacyjanalnaj fiederacyi. Im budzie dadziena svaboda vybaru, jak jany chočuć vystupać: u adzinočku, za svoj kłub, kamandu ci jak siabry nacyjanalnaj fiederacyi.
Jak piša Welt.de, letaś fiederacyja vyklučyła transhiendarnych płyŭcoŭ z žanočych zapłyvaŭ na takich bujnych mierapryjemstvach, jak Alimpijskija hulni i čempijanaty śvietu. Vyklučeńni dapuskajucca tolki ŭ tym vypadku, kali źmiena połu była ździejśniena da dasiahnieńnia dvanaccacihadovaha ŭzrostu. U toj ža čas fiederacyja imknułasia stvaryć adkrytuju katehoryju dla ŭsich płyŭcoŭ.
Jak zajaviŭ prezident fiederacyi Chusiejn Al-Musałłam (Husain Al-Musallam),
«kali Mižnarodnaja fiederacyja płavańnia ŭviała svaju Palityku dopusku da ŭdziełu ŭ mužčynskich i žanočych katehoryjach spabornictvaŭ, my ŭziali na siabie abaviazacielstva vyvučyć mahčymaść stvareńnia adkrytaj katehoryi. Kamanda ekśpiertaŭ staranna pracavała, kab ažyćciavić heta. Ja chacieŭ by padziakavać usim, chto dapamoh Mižnarodnaj fiederacyi płavańnia dać hetuju mahčymaść».
Vydańnie nahadvaje, što dyskusija ab udziele ŭ spabornictvach pa płavańni ŭzmacniłasia paśla vypadku amierykanki Li Tomas (Lia Thomas). Da 2019 hoda jana ŭdzielničała ŭ spabornictvach jak mužčyna. Paśla prachodžańnia harmanalnaj terapii ŭžo ŭ jakaści žančyny Li Tomas vyjhrała žanočy zapłyŭ na 500 jardaŭ volnym stylem na studenckim čempijanacie ZŠA ŭ sakaviku 2022 hoda.
Čytajcie jašče:
Tytuł «Mis Niderłandy» ŭpieršyniu atrymała transhiendarnaja žančyna
Spartsmienka-transhiendar upieršyniu ŭ historyi adabrałasia na Alimpijadu
Kamientary
sabakam, delfinami, elektryčnym skatam.... bo kolki ŭžo stahodździaz ich dyskryminujuć!