Branzalety smart-hadzińnikaŭ zaražanyja vielizarnaj kolkaściu škodnych bakteryj — daśledavańnie
Ramieńčyki Apple Watch i inšych razumnych hadzińnikaŭ akazalisia idealnym asiarodździem dla razmnažeńnia takich bakteryj, jak stafiłakoki, kišečnaja pałačka i inšyja škodnyja bakteryi, jakija navat mohuć pryvieści da śmierci čałavieka. Hety fakt niadaŭna vyśvietlili navukoŭcy z Atłantyčnaha ŭniviersiteta ŭ Fłarydzie, pieradaje vydańnie New York Post sa spasyłkaj na novaje daśledavańnie ŭ navukovym časopisie Advances in Infectious Disease.
U chodzie daśledavańnia navukoŭcy pratestavali branzalety z roznych materyjałaŭ, uklučajučy płastyk, humu, tkaninu, skuru i mietał (zołata i srebra). Vyśvietliłasia, što 95% pratestavanych branzaletaŭ mieli na siabie vielizarnuju kolkaść niebiaśpiečnych bakteryj, pry hetym stafiłakoki (Staphylococcus spp) byli znojdzienyja na 85% ramieńčykaŭ.
Kala 60% branzaletaŭ stali «domam» dla kišečnaj pałački, jašče 30% pakazali stanoŭčy vynik pry testavańni na patencyjna śmiarotnuju bakteryju Pseudomonas, jakaja ŭstojlivaja da antybijotykaŭ i vyklikaje siepsis dy pnieŭmaniju.
«Reč u tym, što bolšaść uładalnikaŭ smart-hadzińnikaŭ i fitnes-branzaletaŭ štodzionna nosiać svaje devajsy jak na karotkija prahułki i pracu, tak i ŭ spartzału z aktyŭnymi fizičnymi nahruzkami.
Niekatoryja vykarystoŭvajuć aksiesuary padčas snu dla kantrolu jaho jakaści, a inšyja pryznajucca, što nie dumali, što treba myć łancužki z-za taho, što tyja prosta vyhladajuć čystymi.
Adnak ludzi časta zabyvajuć čyścić łancužki, dzie vielmi chutka stvarajecca spryjalnaje asiarodździe dla mikrobaŭ», — piša New York Post sa spasyłkaj na daśledavańnie.
Samaja vysokaja kancentracyja bakteryj była vyjaŭlenaja na ramieńčykach z tkaniny, druhoje miesca zaniali płastykavyja i humovyja.
Mienš za ŭsio bakteryj było vyjaŭlena na mietaličnych branzaletach.
«Navukoŭcy papiaredžvajuć, što nie čyścić svaich devajsaŭ kateharyčna niedapuščalna. Jany śćviardžajuć, što lepš za ŭsio dla ačystki ramieńčykaŭ padychodzić 70-pracentny etyłavy śpirt — heta zabiaśpiečyć źniščeńnie bolš čym 99,99% bakteryj niezaležna ad materyjału branzaleta.
Akramia taho, možna vykarystoŭvać jabłyčny vocat, bo jon dazvalaje rabić myćcio ekałahična čystym, adnak vocat praktyčna nijak nie ŭździejničaje na niekatoryja štamy bakteryj stafiłakoka», — adznačaje New York Post.
Asobna daśledčyki źviarnuli ŭvahu, što miedycynskija rabotniki pavinny dezynfikavać svaje branzalety asabliva pilna, bo mnohija z vyjaŭlenych na ich mikraarhanizmaŭ ustojlivyja da antybijotykaŭ.
Kluč da lačeńnia depresii, artrytu i Alchiejmiera chavajecca ŭ błukajučym niervie
Na poŭdni Polščy ŭ rajonie Žešava zafiksavali ŭspyšku lehijanielozu, taksama viadomaha jak «chvaroba lehijanieraŭ»
Navukoŭcy stvaryli sintetyčnyja čałaviečyja embryjony, jakija mohuć vyjavić pryčynu vykidyšaŭ i praduchilić hibiel ludziej
Ciapier čytajuć
Tramp zaprasiŭ Łukašenku ŭvajści ŭ Radu miru pa Hazie38
Kamientary
🥃 Niećviarozaja niejkaja niedahavoranaść. Čamu tolki etyłavy śpirt «źniščaje bolš čym 99,99%» (nu, dapišy jašče tuzin dziaviatak zamiest «bolš»!) niaščasnych tych bakteryjaŭ? Kali metyłavy vydatna śmiarocić navat čałavieka, jaki krychu, tak by mović, sierbanie jaho z harła?
🥿 I ci nia sieŭ aŭtar u halošu, nie ŭzhadaŭšy tutaka «halošu»? Bo šyroka raspaŭsiudžany Nafras S-2-80/120, jaki nosić hetkuju mianušku, u adroźnieńnie ad śpirtu, nie psuje peŭnyja j asabliva lakavyja pakryćci. I ŭ tej čas vydatna zmyvaje bijalahičny, žyvy j miortvy, brud ź luboj pavierchni.
🦠 Plus padziviła dzivavataja amnezyja ŭ nastupnym miejscy. Hełe: «Samaja vysokaja kancentracyja bakteryj była vyjaŭlenaja na ramieńčykach z tkaniny, druhoje miesca zaniali płastykavyja i humovyja. Mienš za ŭsio bakteryj było vyjaŭlena na mietaličnych branzaletach». To bok, čamu vy rezka zabylisia pra dziážki sa skury, chaj navat sa štučnaha (iskuśćvinnaha) krakadyła? Miž tym dla darahich smartóŭ ich režuć navat z hadaŭ (ja pra źmiej, a nie pra henych) i z marskich skátaŭ-skatoŭ! Vatamaka j musiać žyć na poŭnicu cełyja harodziščy mikraarhanizmaŭ.
⌚ Ale bolš źbiantežyła, što aŭtar(ka) piša mienavita pra ramieńčyki j branzalety smart-hadzińnikaŭ. Byccam zvyčajny mechaničny hadzińničak jakści sam adpužvaje mikroba, amiobu henu, infuzoryju ŭ tufielkach!