Ludzi niasuć bukiety, dziažuryć Rashvardyja. U Pieciarburhu rychtujucca da pachavańnia lidaraŭ PVK «Vahnier». Voś što viadoma
Pavodle źviestak «Fontanki», u Pieciarburhu płanujuć pachavać zasnavalnika PVK «Vahnier» Jaŭhiena Pryhožyna, kamandzira vahnieraŭcaŭ Dźmitryja Utkina i top-mieniedžara struktur Pryhožyna Valeryja Čakałava, jakija zahinuli pry krušeńni samalota Pryhožyna na minułym tydni. Pry hetym data, miesca i čas pachavańnia dakładna nieviadomyja, piša «Mieduza».
Ranicaj 29 žniŭnia na Sierafimaŭskich i Paŭnočnych mohiłkach Pieciarburha była zaŭvažanaja palicyja. Akramia taho, na Sierafimaŭskich mohiłkach myli asfalt i padrychtavali pachavalnyja namioty. Taksama tam zaŭvažyli čałavieka z našyŭkami PVK «Vahnier» z kvietkami.
Na Paŭnočnyja mohiłki prybyli ludzi, vierahodna, dla raźvitańnia z vahnieraŭcami. Tolki ŭ niekatorych ź ich simvolika PVK «Vahnier», astatnija — u cyvilnym. Na mohiłkach nie čuvać ani załpaŭ vajskovaha salutu, ani arkiestra, pieradaje «Fontanka».
Miž tym, Jaŭhiena Pryhožyna abaviazany pachavać z voinskimi ŭšanavańniami, pakolki jon maje zvańnie Hieroja Rasii.
Na pachavańni ludziej, jakija atrymali takoje zvańnie, pavinien być eskort z uzvoda sałdat, vajskovy karavuł i arkiestr, a pierad apuskańniem truny ŭ mahiłu — salut chałastymi patronami.
Prezidenta Rasii Uładzimira Pucina nie budzie na pachavańni Jaŭhiena Pryhožyna, zajaviŭ pres-sakratar Pucina Dźmitryj Piaskoŭ. Jon taksama skazaŭ, što Kreml nie vałodaje dakładnaj infarmacyjaj ab pachavańni.
Kala 13 hadzin na Paŭnočnych mohiłkach u Pieciarburhu pačałosia adpiavańnie Valeryja Čkałava, jaki zahinuŭ razam ź Jaŭhienam Pryhožynym u avijakatastrofie, paviedamiła «Fontanka».
Bort Jaŭhiena Pryhožyna Embraer ERJ-135BJ Legacy 600 raźbiŭsia ŭ niebie nad Vałdajem za 50 km ad rezidencyi Pucina 23 žniŭnia.
«Adzinaje pytańnie, ci sapraŭdy Šajhu taki tupy». Vajskovy ekśpiert nazvaŭ svaju viersiju katastrofy samalota Pryhožyna
SK Rasii paćvierdziŭ hibiel Jaŭhiena Pryhožyna
Piaskoŭ zajaviŭ, što rasijskaja dziaržava nie finansavała PVK «Vahnier». Pucin raniej havaryŭ zusim inšaje
Łukašenka: Ja i nie pavinien harantavać biaśpieku Pryhožyna. A vahnieraŭcy «nikudy nie biahuć»
Ciapier čytajuć
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom12
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1919
Kamientary