Siońnia ŭ Minsk prybyła čarhovaja hrupa dziaciej z akupavanych Rasijaj ukrainskich rehijonaŭ. 48 dziaciej, jakija pryjechali «na adpačynak», try tydni praviaduć u Navapołacku. Dastaŭku ŭkrainskich dziaciej arhanizoŭvaŭ fond Alaksieja Tałaja, piša BiełTA.
Dziaciej, pa słovach Tałaja, supravadžali ŭ ciahniku i sustrakali na vakzale supracoŭniki milicyi i AMAPa. Bo, maŭlaŭ,
«jość šmat niadobrazyčliŭcaŭ, jakija prahnuć, kab my z hetymi dziećmi Danbasa dzieści spatyknulisia. Kab niešta adbyłosia, i hetyja źbiehłyja, jakija siadziać za miažoj, znajšli novuju temu dla śpiekulacyj».
Niezakonny vyvaz z akupavanych terytoryj ukrainskich dziaciej rasceńvajecca mižnarodnaj supolnaściu jak vajennaje złačynstva. Prezident Rasii Uładzimir Pucin i rasijskaja ambudsmienka pa pravach dziciaci Maryja Lvova-Białova za heta ŭžo atrymali ordary na aryšt ad Mižnarodnaha kryminalnaha suda ŭ Haazie. Biełaruskija demakratyčnyja siły źbirajuć materyjały dla MKS, jakija dakazvajuć dačynieńnie da niezakonnaha vyvazu ŭkrainskich dziaciej pradstaŭnikoŭ režymu Łukašenki, uklučajučy i jaho samoha.
U rezalucyi ad 13 vieraśnia Jeŭraparłamient zajaviŭ, što dziejańni Łukašenki i jahonaha režymu možna kvalifikavać jak złačynstvy suprać čałaviečnaści (departacyja abo hvałtoŭnaje pieramiaščeńnie nasielnictva) pavodle Rymskaha statutu i zaklikaŭ Mižnarodny kryminalny sud vydać ordar na aryšt Łukašenki.
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram2
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
Bolš nidzie ab takim cudzie nie čuŭ. Jość takoje dzieści, akramia akupavanych terytoryj, dy kancłahierej, dzie bieź viertuchajeŭ i kroku nie zrobiš?