Rekord za ŭsiu historyju. Što adbyvajecca z kvaterami ŭ rehijonach

Popyt na rynku kvater u Minsku ŭ lipieni-vieraśni 2023 hoda byŭ na vielmi vysokim uzroŭni, ustanaviŭšy novy maksimum za ŭsiu historyju nazirańnia. U paraŭnańni z trecim kvartałam minułaha hoda kolkaść ździełak kupli-prodažu pavialičyłasia na 12%. 

U bolšaści abłasnych centraŭ popyt na kvatery adnosna minułaha hoda pavialičyŭsia. Istotniej za ŭsio vyrasła kolkaść ździełak u Breście — plus 20%, krychu mienš (+15%) — u Hrodnie. 

Vyklučeńniem stali Viciebsk i Mahiloŭ, dzie kolkaść ździełak źniziłasia na 9 pracentaŭ i 13 pracentaŭ adpaviedna. Tym nie mienš aktyŭnaść pakupnikoŭ u hetych haradach usio roŭna zastavałasia vysokaj.

Takaja ž dynamika nazirałasia i ŭ bujnych haradach krainy. Rost aktyŭnaści pakupnikoŭ naziraŭsia amal va ŭsich haradach, bolš istotna — u Maładziečnie (27%) i Barysavie (10%).

Źnižeńnie popytu da treciaha kvartała minułaha hoda było zafiksavana ŭ troch haradach: Połacku (-15%), Oršy (-9%) i Lidzie (-1,3%).

U vyniku sumarny popyt u 3 kvartale 2023 h. staŭ maksimalnym za ŭsiu historyju nazirańnia.

Jakija kvatery vybirali?

Najbolšym popytam u žycharoŭ krainy karystalisia dvuchpakajovyja kvatery — ź imi ŭ siarednim zaklučyli 41% usich ździełak. Maksimalnaja dola dvušak była ŭ Połacku, Lidzie i Navapołacku — tut amal kožnaja druhaja pradadzienaja kvatera była 2-pakajovaj. 

«Adnapakajoŭki» nabyvali ŭ 32% vypadkaŭ. Najmienšaj ich dola ŭ ahulnym popycie była ŭ Hrodnie — 23%. A najbolšaj — u Maładziečnie, dzie adnapakajoŭki kuplali ŭ 40% usich ździełak.

Trochpakajovyja kvatery ŭ siarednim zajmali 23% usich ździełak. Najmienšaja dola trochpakajovych kvater była ŭ Navapołacku i ​​Barysavie (18% i 19% adpaviedna). U Babrujsku i Mazyry, naadvarot, trochpakajoŭki kuplali ŭ 29% vypadkaŭ.

Asnoŭnaja masa pradadzienych kvater u bujnych haradach rehijonu raźmiaščałasia ŭ damach 1971-1990 hadoŭ pabudovy, krychu radziej vybirali kvatery ŭ damach jašče bolš starych — ad 1950 da 1971 hoda pabudovy.

Kvatery ŭ novych damach (pabudavanych paśla 2010 hoda) tradycyjna čaściej fihuravali ŭ ździełkach u Hrodnie — kožnaja druhaja kvatera była ŭ novym domie, i ŭ Breście — kožnaja treciaja. 

U bolšaści haradoŭ kvatery za kvartał stali tańniejšymi

U paraŭnańni z papiarednim kvartałam u Minsku siaredni košt pradadzienych kvater vyras na 2%, a za hod — plus 7%.

Siarod abłasnych centraŭ bolš istotna źmianilisia ceny na kvatery Mahilovie i Breście, dzie kvadrat staŭ daražejšym u siarednim na 2,6%.

Taksama kvadratny mietr padaražeŭ u Hrodnie — plus 2,2% da červienia 2023 hoda.

U Viciebsku i Homieli, naadvarot, kvatery kuplali ŭ siarednim krychu tańniej — na 1,7% i 0,6% adpaviedna.

Za hod siarednija košty kvadratnaha mietra vyraśli amal va ŭsich abłasnych centrach: u Breście — na 10%, u Mahilovie — na 7%, u Homieli i Viciebsku — na 5% u abodvuch vypadkach, i tolki ŭ Hrodnie — minus 3,5%.

Siarod bujnych haradoŭ maksimalny rost siarednich cenaŭ kvadratnaha mietra ŭ zaklučanych ździełkach adznačaŭsia ŭ Pinsku (+4% da minułaha kvartała). Admoŭnaj dynamika była ŭ vaśmi haradach, samaj istotnaj u Salihorsku — minus 4,2%.

• 2
• 0
• 0
• 3
• 0
• 0
• 2
• 0