«Spačatku vielmi ciažka niešta zapadozryć». Dziaŭčyna padmanuła chłopca na 700 rubloŭ, prapanavaŭšy sustrecca na butaforskim stendapie
Kali da «supracoŭnikaŭ banka», jakija sprabujuć nibyta praduchilić pieravod na imia nieznajomca, i «pałkoŭnikaŭ MUS», jakija prapanujuć pryniać udzieł u apieracyi pa zatrymańni machlaroŭ, ludzi ŭžo pryvykli, to ŭśviadomić, što padmanuć moža miłaja simpatyčnaja dziaŭčyna, nie tak i prosta. Pra novuju schiemu vyciahvańnia hrošaj sa straciŭšych pilnaść hramadzian piša «Anłajnier».
Minčuk Jahor niadaŭna paznajomiŭsia ŭ Tinder ź simpatyčnaj dziaŭčynaj. Nieŭzabavie para pierajšła dla kamunikacyi ŭ telehram: maŭlaŭ, tak zručniej.
«Z-za svaich lehkadumnaści i davierlivaści ja nijakaha padvochu padčas našych znosin na zaŭvažyŭ. Užo potym, kali pieračytvaŭ usio nanova, zrazumieŭ, što jość dziŭnyja rečy. Ale spačatku mnie padałosia, što heta zvyčajnaje znajomstva ŭ Tinder.
Na druhi dzień našaj razmovy ja prapanavaŭ Nastaśsi sustrecca. Jana padtrymała ideju i zaprasiła dałučycca da jaje: nibyta ŭviečary jana idzie na stendap-kancert. Padumaŭ, što heta moža być cikava, bo ja ni razu nie byŭ na stendapie», — apisvaje padziei chłopiec.
A dalej usio pajšło pa kłasicy. Dziaŭčyna skinuła spasyłku na sajt, dzie možna kupić kvitki, i prapanavała vybrać miesca kala jaje, sustrecca na 9-m radzie.
A kali ŭ Jahora nie prajšła apłata ŭ zvyčajnym farmacie, to Nastaśsia supakoiła maładoha čałavieka, patłumačyŭšy, što banki ciapier abaraniajucca ad machlaroŭ i ŭvodziać «dadatkovuju formu paćviardžeńnia ahulnaha bałansu raźlikovaha rachunku».
«U vyniku ŭsie srodki, što byli na karcie, a heta 700 rubloŭ, syšli. Bałazie heta byli nie ŭsie maje hrošy. Pierapisku dziaŭčyna vydaliła.
Što mahu skazać: sajt zrobleny vielmi dobra; tolki ciapier, pryhladajučysia da drobiaziaŭ (naprykład, adsutnaść błakavańnia miesca ŭ zale pry čakańni ŭvodu koda z SMS), ja razumieju, što heta fišynh. Spačatku ž vielmi składana niešta zapadozryć», — vyrašyŭ papiaredzić pra «razvod» inšych chłopcaŭ Jahor.
A sam jon ciapier płanuje źviarnucca ŭ milicyju.
Ciapier čytajuć
Łukašenka pra pavietranyja šary ź Biełarusi: Ja razmaŭlaŭ ź lotčykami, dla samalotaŭ nijakaj prablemy niama7
Łukašenka pra pavietranyja šary ź Biełarusi: Ja razmaŭlaŭ ź lotčykami, dla samalotaŭ nijakaj prablemy niama
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1717
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju17
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy2323
Kamientary