Vyzvaleńnie zakładnikaŭ, vykradzienych padčas napadaŭ bajevikoŭ CHAMAS na Izrail, u abmien na spynieńnie ahniu ŭ siektary Haza dla dastaŭki humanitarnaj dapamohi adkładziena da piatnicy, 24 listapada, paviedamiła kancylaryja premjer-ministra Izraila Bińjamina Nietańjachu.
U sieradu ŭrad Izraila zaćvierdziŭ umovy ŭhody z paleścinskaj hrupoŭkaj CHAMAS, pavodle jakoj prynamsi 50 vykradzienych džychadystami ludziej — žančyn i dziaciej — buduć vyzvalenyja na praciahu čatyroch dzion, na jakija pryjdziecca paŭza ŭ bajavych dziejańniach. Pahadnieńnie, pavodle nieaficyjnych źviestak, pavinna było pačać dziejničać u čaćvier ranicaj, piša «Radyjo Svaboda».
Pa adnych danych, CHAMAS nie ratyfikavała pahadnieńnie, pa inšych — hrupoŭka nie padała Izrailu śpis zakładnikaŭ, jakija pavinny byli być vyzvalenyja ŭ pieršy dzień. Hety miechanizm źjaŭlajecca častkaj uhody.
Jak paviedamlaje Times of Israel, Izrail nie budzie publikavać danyja zakładnikaŭ da ich vyzvaleńnia, kab nie davać siemjam iłžyvych nadziej, kali ŭhoda sarviecca.
Pres-sakratar Rady nacyjanalnaj biaśpieki Biełaha doma Edryjen Uotsan paviedamiła CNN, što «ŭhoda była ŭzhodniena i zastajecca ŭzhodnienaj. Baki prapracoŭvajuć apošnija łahistyčnyja detali». Pavodle słoŭ Uotsan, nieabchodny dadatkovy čas dla ŭdakładnieńnia detalej, źviazanych ź miescaznachodžańniem i maršrutami pieramiaščeńnia kožnaha z zakładnikaŭ, a taksama transpartnaj łahistykaj.
Rašeńnie pačakać jašče adzin dzień, kab źvieści da minimumu imaviernaść uźniknieńnia prablem, pavodle jaje słoŭ, było pryniata Izrailem sumiesna z Kataram i Jehiptam, jakija vystupajuć pasiarednikami pahadnieńnia ab spynieńni ahniu na čatyry dni dla vyzvaleńnia častki zakładnikaŭ, zachoplenych CHAMAS, i dastaŭki humanitarnaj dapamohi nasielnictvu siektara Haza.
Padčas napadaŭ bajevikoŭ CHAMAS na Izrail byli zabityja bolš za 1200 izrailcian, pieravažnaja bolšaść ź ich mirnyja žychary. 240 čałaviek byli ŭziaty ŭ zakładniki. Padkantrolnaje CHAMAS Ministerstva achovy zdaroŭja Hazy śćviardžaje, što z 7 kastryčnika padčas apieracyi izrailskaj armii ŭ siektary zahinuli bolš za 14 tysiač čałaviek, bolšaść ź jakich žančyny i dzieci. Niezaležnych paćvierdžańniaŭ hetym danym niama.
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary