Siaredni zarobak u Litvie pieravysiŭ 2000 jeŭra brudnymi. Heta 1370 dalaraŭ čystymi
Heta ŭ dva z pałovaj razy bolš, čym u Biełarusi.
Siaredniamiesiačny bruta-zarobak (da vyliku adpaviednych padatkaŭ) u ekanomicy krainy (biez uliku indyvidualnych pradpryjemstvaŭ) u trecim kvartale 2023 h.skłaŭ 2018,2 jeŭra (na siońnia heta 2210 dalaraŭ — NN), i, u paraŭnańni z druhim kvartałam 2023 h., jon pavialičyłasia na 0,9%, piša Delfi.lt.
U dziaržaŭnym siektary siaredniamiesiačny bruta-zarobak skłaŭ 2090,6 jeŭra, što na 0,1% vyšej, u pryvatnym siektary — 1989,1 jeŭra, što na 1,3% vyšej.
Siaredniamiesiačny čysty zarobak skłaŭ (paśla vyliku adpaviednych padatkaŭ) u ekanomicy krainy skłaŭ 1251,5 jeŭra (na siońnia heta 1370,6 dalara — NN), i, u paraŭnańni z druhim kvartałam 2023 h., vyras na 0,8%: u dziaržaŭnym siektary jon skłaŭ 1292,6 jeŭra, što na 0,1% vyšej, u pryvatnym siektary — 1234,9 jeŭra, što na 1,2% vyšej.
U minuły čaćvier Biełstat ahučyŭ pamier siaredniaha zarobku ŭ Biełarusi za kastryčnik — 1971 rubiel 20 kapiejek da vyliku padatkaŭ. Heta $600 dalaraŭ pa siarednim kursie dalara za kastryčnik i 583 jeŭra pa siarednim kursie za kastryčnik.
Kali brać zarobak «čystymi», to heta 1695 rubloŭ ($516 abo 501 jeŭra).
Ciapier čytajuć
Stała viadoma, što ciapier adbyvajecca z palitviaźniem Jurasiom Ziankovičam, jakoha vyzvalili pa prośbie ZŠA16
Kamientary