U sercy Minska ŭstanoviać pamiatny znak z makietam Minskaha zamčyšča
Minharvykankam abviaściŭ konkurs eskiznych prajektaŭ pamiatnaha znaka «Makiet «Minskaje zamčyšča», piša BiełTA.
Ustanoŭka hetaj skulpturnaj kampazicyi — adno ź mierapryjemstvaŭ muziejefikacyi pomnikaŭ archieałohii histaryčnaha centra stalicy. Raźmieścicca jana na bierazie raki Śvisłač kala budynka pa praśpiekcie Pieramožcaŭ, 2.
Pamiatny znak pavinien źmiaščać abjomnyja i reljefnyja vyjavy asnoŭnych elemientaŭ miascovaści, pabudoŭ, abarončych zbudavańniaŭ, mastoŭ, daroh, ludziej, žyvioł i inš. Za asnovu ŭziaty histaryčny pieryjad XII—XIII stahodździaŭ, a dla vyrabu prapanujecca vykarystoŭvać mietał, lićcio z bronzy, hranit.
Arhanizatary konkursu raźličvajuć znajści najbolš vyraznaje vobraznaje rašeńnie, jakoje dazvolić nahladna pakazać minčanam i haściam, jak vyhladaŭ staražytny horad.
Arhanizataram konkursu vystupaje Minski haradski vykanaŭčy kamitet (Upraŭleńnie kultury), zakazčykam — KUP «Minskaja spadčyna». Da ŭdziełu zaprašajucca aŭtarskija kalektyvy skulptaraŭ, architektaraŭ, mastakoŭ i inšych śpiecyjalistaŭ.
Zajaŭki prymajucca da 15 śniežnia ŭklučna, konkursnyja materyjały — nie paźniej za 15 lutaha 2024 hoda.
Dla taho kab paźbiehnuć paprokaŭ u histaryčnaj niedakładnaści, NAN Biełarusi padrychtavała svaje prapanovy na asnovie analizu najaŭnych danych pa Minskim zamčyščy.
Ciapier čytajuć
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie22
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie2
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Kamientary