Niezvyčajnyja kaladnyja jaśli źjavilisia ŭ italjanskim horadzie Asizi na płoščy kala bazyliki śviatoha Franciška, paviedamlaje Catholic.by.
Skulptura stała padarunkam uładaŭ prymorskaha miastečka Jezoła, jakoje znachodzicca kala Vieniecyi. U hetaj miascovaści pracujuć mastaki, jakija śpiecyjalizujucca na budaŭnictvie kaladnych jaślaŭ ź piasku.
Skulptura maje asablivy sens i značeńnie, tamu što sioleta spaŭniajecca 800 hadoŭ z momantu źjaŭleńnia pieršaj batlejki, stvoranaj pa inicyjatyvie śviatoha Franciška Asizskaha ŭ italjanskim miastečku Hrečyjo.
Pieršyja ŭ historyi kaladnyja jaśli byli raźmieščanyja na schile hary ŭ pravincyi Ryjeci. Dahetul tam znachodzicca klaštar-pustelnia śviatoha zasnavalnika manaskaha ordenu.
Franciškancy z Asizi z zadavalnieńniem adznačyli, što batlejka zroblena z budaŭničaha piasku, a nie ź piasku ź plažu, i tamu zroblena ŭ duchu pavahi da pryrodnaha asiarodździa.
Aficyjnaje adkryćcio skulptury adbudziecca 8 śniežnia.
Kamientary