Vialikabrytanija vystupaje za praciah sankcyjnaha cisku na Łukašenku. Padčas vystupu Devida Kemierana ŭ Pałacie łordaŭ siabra Pałaty łordaŭ Džordž Fułks prapanavaŭ uvieści dadatkovyja sankcyi ŭ dačynieńni da biełaruskaha režymu.
Były premjer Vialikabrytanii Devid Kemieran, jaki ŭ siaredzinie listapada zaniaŭ pasadu kiraŭnika MZS krainy, učora vystupiŭ u Pałacie łordaŭ. Siarod pytańniaŭ byli pra Biełaruś.
Siabra Pałaty Džordž Fołks spytaŭ u novaha kiraŭnika MZS Vialikabrytanii, ci razhladaje ŭrad mahčymaść uzmacnieńnia sankcyj suprać režymu Łukašenki.
Devid Kemieran adkazaŭ, što 182 fizičnyja i jurydyčnyja asoby ŭžo padpali pad sankcyi, i hety śpis pastajanna pierahladajecca.
Kemieran nazvaŭ režym Łukašenki tatalitarnym i padziakavaŭ Fołksu za kampaniju pa hetym pytańni, a taksama pahadziŭsia ź nieabchodnaściu praciahu cisku na režym Łukašenki.
«Ja hladžu na heta vielmi ŭvažliva, my pavinny razumieć, što heta tatalitarny režym Jeŭropy. Jany vypadkovym čynam kanfiskujuć u ludziej mabilnyja telefony, kab daviedacca, z kim jany kantaktavali, za jakimi sacyjalnymi sietkami sočać. Prafsajuzy raspuščany, a ich lidary pasadžanyja ŭ turmu. Razmachvańnie ściaham Ukrainy ličycca parušeńniem zakona i moža pryvieści da turemnaha źniavoleńnia, a 1500 čałaviek zjaŭlajucca palitviaźniami. Takim čynam, my absalutna zhodnyja z pastanoŭkaj pytańnia, i my budziem praciahvać vykarystoŭvać sankcyi i inšyja instrumienty, kali heta nieabchodna», — skazaŭ Kemieran.
Kiraŭnik NAU Pavieł Łatuška, jaki źviarnuŭ uvahu na abmierkavańnie, padziakavaŭ uradu Złučanaha Karaleŭstva ŭ asobie ministra zamiežnych spraŭ i mižnarodnaha raźvićcia Devida Kemierana i parłamientu Vialikabrytanii ŭ asobie łorda Džordža Fołksa za pazicyju.
Łatuška zaklikaŭ mižnarodnuju supolnaść pakazać jasnuju pazicyju suprać parušeńniaŭ pravoŭ čałavieka i demakratyčnych kaštoŭnaściaŭ, a taksama nakiravać jasny sihnał režymu, što takija ŭčynki nie buduć pakinutyja biez adkazu.
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»6
Kamientary