U čatyroch rajonach Kijeva zafiksavali kala dziesiaci vypadkaŭ padzieńnia abłomkaŭ rakiet.
Miarkujecca. što Rasija vypuściła pa Kijevie čatyry balistyčnyja rakiety, mahčyma, «Iskandery».
U troch miescach uźnikli pažary, paškodžany niekalki šmatkvaternych i pryvatnych žyłych damoŭ, a ŭ adnym miescy vada z prabitaj abłomkam rakiety vadapravodnaj truby zatapiła vulicu.
Vajennaja administracyja paviedamiła ŭ svaim telehram-kanale, što ŭ čatyroch rajonach Kijeva zafiksavana kala dziesiaci vypadkaŭ padzieńnia abłomkaŭ rakiet.
Ad padzieńnia abłomkaŭ źbitych rasijskich rakiet paciarpieli 53 čałavieki, u tym liku šaściora dziaciej. I kolkaść paciarpiełych praciahvaje raści, piša Bi-bi-si.
Pavietranyja siły Ukrainy zajavili, što nočču terytoryi krainy była atakavanaja 10 udarnymi dronami typu «Šachied» i 10 balistyčnymi rakietami.
Usie celi, jak śćviardžajecca, byli źbityja. Typ rakiet pakul nie paviedamlajecca.
Kamientary