Biełaruś prapanavała novy varyjant rostu płaty za tranzit nafty
Raniejšaja prapanova praduhledžvała rost taryfu pa abiedźviuch linijach u 1,8 razu i nie zadavalniała Rasiju.
Biełaruś prapanavała novy varyjant indeksacyi taryfaŭ na transparciroŭku nafty pa svajoj terytoryi ŭ Jeŭropu, piša Kommersant.ru.
Dla paŭnočnaj halinki naftapravoda «Družba», pa jakoj ciapier idzie tolki kazachstanskaja nafta, Minsk prapanuje pavysić taryf na 43%, a dla paŭdniovaj, pa jakoj praciahvajucca pastaŭki nafty z Rasii,— na 14,5%.
Raniejšaja prapanova praduhledžvała rost taryfu pa abiedźviuch linijach u 1,8 razu i nie zadavalniała Rasiju. U «Transnafcie» pakazvajuć, što hatovyja abmiarkoŭvać taryfy na paŭdniovym kirunku, ale ich uzhadnieńnie pa paŭnočnaj halincy nie ŭ kampietencyi kampanii.
Apieratar biełaruskaj naftatranspartnaj sistemy «Homieltransnafta Družba» nakiravaŭ 17 listapada «Transnafcie» list z prapanovaj padniać taryfy na tranzit nafty na svajoj terytoryi z 1 lutaha 2024 hoda.
Tak, košt prapampoŭki na paŭnočnym kirunku Unieča — Adamava (idzie praź Biełaruś u Niamieččynu) biełaruski bok prosić pavysić na 43,4%, da 653,8 rasijskaha rubla za tonu (na siońnia 7,27 dalara), a na paŭdniovaj halincy Unieča — Brody (praź Biełaruś i Ukrainu ŭ Vienhryju, Słavakiju i Čechiju) — na 14,5%, da 195,8 rub. (2,18 dalara) za tonu.
Ciapier čytajuć
Łukašenka zajaviŭ pra hatoŭnaść pryjechać u Kijeŭ41
Kamientary