Vidavočcy paviedamlajuć pra stralaninu ŭ centry Prahi, u budynku fiłasofskaha fakulteta Karłava ŭniviersiteta. Pavodle paviedamleńniaŭ miascovaj presy, adtul vybiahali ludzi z padniatymi rukami. Paviedamlajecca pra zahinułych i paranienych, aficyjna hetaja infarmacyja nie paćviardžałasia, piša «Radyjo Svaboda».
Na miescy pracujuć palicyja i vyratavalnyja słužby, tudy vyjechaŭ ministr unutranych spraŭ krainy Vit Raŭšan.
Supracoŭnikaŭ prainfarmavali, što pa budynku moža pierasoŭvacca strałok z ahniastrelnaj zbrojaj, paviedamiŭ adzin ź vidavočcaŭ «Radyjo Svaboda». Asobu mierkavanaha napadnika nie raskryvajuć, matyvy nieviadomyja.
Paśla palicyja zajaviła, što strałka «likvidavali». Jość niekalki zahinułych i dziasiatki paranienych, ciapier ludziej z budynka evakujujuć.
Na dachu budynka śviedki nibyta bačyli ŭzbrojenaha mužčynu, a na miescy zdareńnia prahrymieŭ vybuch.
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary