Baškirskaha aktyvista prysudzili da čatyroch hadoŭ kałonii. Jaho znoŭ pryjšli padtrymać tysiačy čałaviek, ich razahnali
Prysud Failu Ałsynavu vynies Bajmakski rajonny sud Baškartastana. Aktyvista prysudzili da 4 hadoŭ kałonii — stolki pieršapačatkova prasiła prakuratura. Minuły raz da suda pryjechali kala 5 tysiač čałaviek — vyniasieńnie prysuda pieranieśli na siońnia.
Spravu suprać aktyvista raspačali na prośbu kiraŭnika Baškartastana Radyja Chabirava. Padstavaj dla kryminalnaha pieraśledu stała pramova Ałsynava padčas uzhodnienaha mitynhu viasnoj 2023 hoda. U joj aktyvist, u pryvatnaści, užyŭ słovazłučeńnie «kara chałyk»:
«Armianie zjeduć na svaju radzimu, «kara chałyk» — da siabie, ruskija — u svaju Razań, tatary — u svoj Tatarstan. My nie zmožam pierasialicca, u nas niama inšaha doma, naš dom tut!»
Ekśpiertyza, praviedzienaja padčas rasśledavańnia, vyrašyła, što heta hetaje słovazłučeńnie «adpaviadaje značeńniu słoŭ «chačy«, «čurki«, «čarnamazyja». Na padstavie ekśpiertyzy Ałsynava abvinavacili ŭ ekstremiźmie, nibyta jon daŭ «niehatyŭnuju acenku» žycharam Centralnaj Azii i Kaŭkaza. Miascovyja aktyvisty ž nastojvajuć, što pierakład pramovy, jaki byŭ pradstaŭleny ŭ sudzie, naŭmysna skazili.
Na abviaščeńnie prysudu Ałsynavu siońnia taksama pryjšli niekalki tysiač čałaviek, piša Rusnews. Pavodle acenki «Viorstki«, kala budynka suda sabrałasia bolš za try tysiačy čałaviek.
Pratestoŭcy skandavali «Svabodu!» i «Fail, my z taboj!» U Bajmaku palicyjanty pierakryli darohu da suda i nie prapuskajuć aŭtamabili. Vidavočcy śćviardžajuć, što ŭ horadzie hłušać Internet.
Śpiecnaz pačaŭ źbivać i zatrymlivać ludziej.
Niekalki baškirskich telehram-kanałaŭ, jakija vykarystoŭvali dla kaardynacyi akcyj pratestu ŭ abaronu Ałsynava, byli zabłakavanyja. Raśfinmonitorynh 16 studzienia ŭnios aktyvista ŭ śpis ekstremistaŭ.
Ciapier čytajuć
Ministr suviazi: Abmiežavańni mabilnaha internetu zakranuć 1,7 miljona biełarusaŭ1
Kamientary