Minsk šantažuje: kali pošliny na naftu, udzieł u Mytny sajuzie «biessensoŭny»
Pra heta zajaviła ahienctvu «Interfaks» krynica, blizkaja da biełaruska-rasijskich naftavych pieramovaŭ.
Pra heta zajaviła ahienctvu «Interfaks» krynica, blizkaja da biełaruska-rasijskich naftavych pieramovaŭ.
U biełaruskaj administracyi ličać biessensoŭnym udzieł Biełarusi ŭ Mytnym sajuzie z Rasijaj i Kazachstanam u vypadku zachavańnia rasijskich ekspartnych mytaŭ na naftu dla Biełarusi. Pra heta zajaviła ahienctvu «Interfaks» krynica, blizkaja da biełaruska-rasijskich naftavych pieramovaŭ.
«Vyvad handlu naftaj za miežy kanfihuracyi Mytnaha sajuza stvaraje niebiaśpiečny precedent. Za hetym moža pajści zadańnie anałahičnym čynam zrabić z hazam, elektraenerhijaj, a, mahčyma, i ź inšymi, užo nie syravinnymi, tavarami», — miarkuje pradstaŭnik orhanaŭ dziaržaŭnaha kiravańnia Biełarusi.
Novyja padychody Rasii da handlu naftaj ź Biełaruśsiu «surjozna padryvajuć uzhodnienuju kanstrukcyju Mytnaha sajuza», — zajaviŭ biełaruski čynoŭnik i apielavaŭ da prezidenta Rasii.
«U takim sajuzie Biełaruś dla siabie pierśpiektyvy nie bačyć. Kali ŭ kaho byli iluzii, što možna zbudavać Mytny sajuz i Adzinuju ekanamičnuju prastoru, dzie partniory pa intehracyi buduć pastaŭlenyja ŭ niaroŭnyja ŭmovy, dyk pra takija namiery adrazu tre było skazać, i nie tre było b uvieś hety harod haradzić», — padkreśliŭ jon.
Biełaruski bok ćvierdzić, što de-jure dziejańnie zaklučanaha ŭ studzieni 2007 hoda pahadnieńnia nie abmiažoŭvajecca 2010-m hodam, a ŭžyvajecca biesterminova.
Rasija painfarmavała Biełaruś pra pierachod da źbirańnia 100% mytaŭ na naftu. Minsk admaŭlajecca płacić.
Pieramovy vialisia z 10 pa 31 śniežnia. Vyjści na damoŭlenaści nie ŭdałosia.
Z hetaj metaj biełaruskim partnioram pieradadziena zaprašeńnie prybyć u Maskvu ŭ studzieni dla pieramoŭ, kab vyjści na padpisańnie adpaviednych dakumientaŭ.
U paviedamleńni havorycca, što rasijskija pastaŭščyki nafty harantujuć vykanańnie svaich abaviazacielstvaŭ pa pastaŭkach u adpaviednaści ź dziejnymi kantraktami «dla spažyŭcoŭ u Biełarusi i Jeŭropie».
Minsk damahajecca biaspošlinnych pastavak usiaho abjomu syraviny.Ekspart naftapraduktaŭ, vyrablenych z rasijskaj nafty, byŭ asnovaj biełaruskaj ekanamičnaj madeli.
Uvachod u Mytny sajuz z Rasijaj praktyčna pierakreślivaje mahčymaści ekanamičnaj i palityčnaj intehracyi Biełarusi ź ES.
Ciapier čytajuć
Kadebešniki telefanujuć biełarusam u emihracyi praź ich siabroŭ — čaho chočuć?13
Kamientary