Stryžaka paprasili nazvać troch čałaviek, jakija dla jaho adkrylisia z pazityŭnaha boku.
Suzasnavalnik fondu «Bajsoł» Andrej Stryžak u intervju «Našaj nivie» padzialiŭsia svaim uražańniem ab Śviatłanie Cichanoŭskaj, Anatolu Labiedźku i nazvaŭ adzin zborny piersanaž, jaki jaho pryjemna ździviŭ.
Padčas intervju Andreja Stryžaka paprasili nazvać troch čałaviek, jakija dla jaho za apošnija hady adkrylisia z pazityŭnaha boku.
U pieršuju čarhu jon nazvaŭ Śviatłanu Cichanoŭskuju i paraŭnaŭ jaje los z historyjaj Papiałuški:
«Heta absalutnaja dramaturhija. Heta historyja pra Papiałušku, anderdoha, jaki ŭ novuju śfieru dla siabie trapiŭ i tam nie patanuŭ, zdoleŭ znajści ŭ sabie siły, pierabudavacca, stać toj, kim jana siońnia jość».
Pa słovach Stryžaka, ciapier jon bačyć Cichanoŭskuju jak čałavieka, jaki znachodzicca na svaim miescy, palityka mižnarodnaha ŭzroŭniu, jaki ŭmieje razmaŭlać na roŭnych ź ludźmi, jakija kirujuć zachodnimi dziaržavami i pry hetym zastajecca adekvatnym čałaviekam u asabistaj kamunikacyi.
Druhim čałaviekam, jaki adkryŭsia dla Stryžaka z pazityŭnaha boku, staŭ Anatol Labiedźka. Mužčyna adznačyŭ, što ŭ jaho źmianiłasia staŭleńnie da hetaha palityka:
«Raniej dla mianie heta byŭ čałaviek partyjny, dastatkova dziŭnavaty časam u publičnaj kamunikacyi. Ale ciapier ja prosta razumieju, što jon byŭ adzin ź pieršych publičnych palitykaŭ, kali jašče nichto nie pisaŭ u fejsbuku. Ja prosta pabačyŭ jaho ŭ hetaj situacyi ź inšaha boku — jon značna bolš žyvy čałaviek, čym moža padavacca, nie pabity hetymi miednymi trubami».
Akramia kankretnych ludziej, Stryžak adznačyŭ ludziej, jakija pryjšli ŭ demakratyčny ruch sa śfiery biznesu, šou-biznesu, kino. Pa jaho słovach, hety zborny piersanaž ździviŭ jaho nie mienš za Cichanoŭskuju:
«U ludziej było ŭsio, jany mahli zajmacca svajoj spravaj, ale ŭ 2020 hodzie niešta ščoŭknuła i jany rašyli, što treba niešta źmianiać. Jany pastavili na kon usio — nie mahu skazać, što jany prajhrali. Jany atrymali dośvied, jaki nie mieli b nikoli. Jasna, što traŭmatyčny, ale, jak i luby kryzis, heta punkt mahčymaściaŭ. Jak ty hetym skarystaŭsia — heta ŭžo inšaje».
Čytajcie jašče:
Labiedźka — pra Šejmana, Kačanavu, vorahaŭ pa apazicyi i toje, chto voźmie ŭładu Łukašenki
-
Šunievič: Adzinaja meta dazvołu palavańnia na miadźviedziaŭ i rysiaŭ — dać bolš svabody palaŭničym u vybary trafiejaŭ
-
Toj samy biełarus, jaki ŭ Polščy pryjšoŭ z pašpartam Novaj Biełarusi mianiać VNŽ, raskazaŭ novyja padrabiaznaści svajoj historyi
-
U Parku Čaluskincaŭ z koła ahladu źniali kabinki FOTAFAKT
Ciapier čytajuć
Toj samy biełarus, jaki ŭ Polščy pryjšoŭ z pašpartam Novaj Biełarusi mianiać VNŽ, raskazaŭ novyja padrabiaznaści svajoj historyi26
Toj samy biełarus, jaki ŭ Polščy pryjšoŭ z pašpartam Novaj Biełarusi mianiać VNŽ, raskazaŭ novyja padrabiaznaści svajoj historyi
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1919
Kamientary