«Niaviestka Łukašenki 200 pieśniaŭ napisała. Biarycie, śpiavajcie». Prapahanda azadačyłasia, jak by im stvaryć svoj papularny biełaruskamoŭny hurt
Praŭładnyja moładzievyja aktyvisty zamachnulisia na sučasnuju kulturu.
Jak stvaryć «pravilny» biełaruskamoŭny hurt, abmiarkoŭvali ŭ vypusku prahramy «Da!No…» na STB.
Vyhladaje, što nie ŭsie ŭ studyi razumieli, što pieśni pa-biełarusku mohuć być nie tolki narodnymi.
Na dumku studentki Mižnarodnaha ŭniviersiteta «MITSO» Karyny Hierasimavaj, moładź nie śpiavaje biełaruskich pieśniaŭ pa niekalkich pryčynach. Pa-pieršaje, niedastatkova infarmacyi pra toje, jakija jość konkursy. A pa-druhoje, «usie honiacca pa zarobak». A śpievy biełaruskich narodnych pieśniaŭ hrošaj nie daduć.
«Ale ž Karpanaŭ śpiavaje nie narodnyja pieśni, a na biełaruskaj movie», — paryravaŭ viadučy Jaŭhien Pustavy i zadaŭ pytańnie, što treba zrabić, kab była biełaruskamoŭnaja moładzievaja hrupa.
Na heta Hierasimava adkazała: «Raźvivać napramak, davać volu, svabodu».
Kazakoŭ zaŭvažyŭ, što «nichto za kulturu nie dušyć». «Jakuju ŭžo volu davać», — nie razumieje viadučy.
«Kali my sapraŭdy padtrymlivajem čužych dla biełarusaŭ artystaŭ ci artystaŭ-zdradnikaŭ, to čamu my nie možam stvaryć niejki hurt i padtrymlivać tych, pra jakich my viedajem, što jany pieraabuvacca nie buduć? I svaimi dziejańniami nie buduć biełarusaŭ abuvać u łapci?» — viarnuŭsia da svajho pytańnia Pustavy.
Ideju stvareńnia takoha hurta padtrymaŭ staršynia moładzievaha parłamienta Mikita Račyłoŭski. Kandydaturaj prapanavaŭ prysutnuju ŭ studyi dziaŭčynu Kaciarynu Leŭdarovič, aktyvistku moładzievaha parłamienta, jakaja vystupaje z akardeonam (ale šyrokaj hramadskaści naŭrad ci jaje imia viadoma).
«Vy na «Faktar.baj» vystupali? Na vialikich scenach? I chto ŭvohule vas pavinien zaprasić? Ministerstva kultury ŭ nas jość. Jak tam vyrašajuć, kaho kudy zaprašać?» — pacikaviŭsia Pustavy ŭ śpiavački.
Jak akazałasia, ni ŭ «Faktar.baj», ni na vialikich scenach taja nie vystupała.
Dzie brać dobryja biełaruskija pieśni? Pustavy ahučyŭ svaju prapanovu:
«Niaviestka našaha prezidenta Hanna Łukašenka tolki 200 pieśniaŭ patryjatyčnaj tematyki napisała. Biarycie, śpiavajcie».
Čytajcie jašče:
Łukašysty spračajucca, jak być z «pieraabutymi» błohierami — mierkavańni padzialilisia
Niaviestka Łukašenki napisała pieśniu pa-biełarusku. Vykanaŭcu dla jaje šukali praz kastynh
-
U histaryčnym domie ŭ centry Minska zalivaje kvatery: «Za sutki vynies 30 viodraŭ vady»
-
«Biełaruś nielha stračvać dla Jeŭropy, ale hetu asobu stracić dakładna varta». Zialenski patłumačyŭ, čamu ŭvioŭ sankcyi suprać Łukašenki
-
Na Wildberries ciapier možna budzie pierapradavać i rečy, kuplenyja ŭ inšych miescach
Kamientary